നാലു വര്‍ഷം മുന്‍പ് ഭാര്യ വാഹനമിടിച്ചു മരിച്ച അതേസ്ഥലത്തുണ്ടായ അപകടത്തില്‍ ഭര്‍ത്താവും മരിച്ചു. കണ്ണൂര്‍ റോഡില്‍ കനകാലയ ബാങ്കിനു സമീപം ‘സീ ഷെല്‍സി’ല്‍ സാമുവല്‍ കെ. ജോണ്‍ (ഗ്ലെന്നി – 74) ആണ് കഴിഞ്ഞ മൂന്നിനുണ്ടായ അപകടത്തില്‍ പരുക്കേറ്റ് ചികിത്സയിലിരിക്കെ ഇന്നലെ മരിച്ചത്.
മൂന്നിനു രാത്രി ഒന്‍പതോടെ കനകാലയ ബാങ്കിനു സമീപം സീബ്രാ വരയിലൂടെ റോഡ് മുറിച്ചു കടക്കവെ സാമുവലിനെ സ്‌കൂട്ടര്‍ ഇടിക്കുകയായിരുന്നു. സംസ്‌കാരം ഇന്നു രാവിലെ ഒന്‍പതിനു വെസ്റ്റ്ഹില്‍ സിഎസ്‌ഐ കത്തീഡ്രലില്‍. നാലു വര്‍ഷം മുന്‍പ് ഇതേ സ്ഥലത്തു സീബ്രാ വരിയിലൂടെ റോഡ് മുറിച്ചു കടക്കവെയാണ് സാമുവല്‍ കെ. ജോണിന്റെ ഭാര്യ എസ്മി സാമുവലിനെ വാഹനമിടിച്ചത്. ചികിത്സയിലായിരുന്ന അവര്‍ മൂന്നാം ദിവസം മരിച്ചു. പാലക്കാട് സിഎസ്‌ഐ സ്റ്റുഡന്റ്‌സ് ഹോം വാര്‍ഡനായിരുന്നു.
Daily Indian Herald വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1
| Telegram Group | Google News
ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക
Top