കോഴിക്കോട് : ഉപഭോക്താക്കളെ ആകര്‍ഷിപ്പിക്കുന്ന ഓഫറുകളുമായി ഐഡിയയും രംഗത്ത്. റിലയന്‍സ് ജിയോയുടെ ഓഫറുകളെ അതിജീവിക്കാനാണ് ഐഡിയ പുതിയ ഓഫര്‍ നിരക്കുകള്‍ അവതരിപ്പിച്ചത്.
148, 348 രൂപയുടെ പ്രീപെയ്ഡ് വരിക്കാര്‍ക്കായുള്ള ഓഫറുകളാണ് ഇപ്പോള്‍ ഐഡിയ പുറത്തിറക്കിയിരിക്കുന്നത്. കഴിഞ്ഞ ദിവസങ്ങളില്‍ ബിഎസ്എന്‍എല്ലു എര്‍ടെല്ലും വന്‍ ഓഫറുകള്‍ പ്രഖ്യാപിച്ചിരുന്നു.
രാജ്യത്താകെമാനം പരിധിയില്ലാതെ വിളിക്കാമെന്നതാണ് ഐഡിയയുടെ ഓഫര്‍.148 രൂപയുടെ പായ്ക്കില്‍ 300 എം.ബി 4ജി ഡാറ്റ ലഭ്യമാണ്.ഈ പാക്കേജില്‍ ഐഡിയയില്‍ നിന്ന് ഐഡിയയിലേക്ക് പരിധിയില്ലാ കോളുകള്‍ ലഭ്യമാകും. 348 രൂപ പായ്ക്കില്‍ എല്ലാ ഫോണുകളിലേക്കും പരിധിയില്ലാതെ വിളിക്കാമെന്നതാണ് ഐഡിയ അവതരിപ്പിക്കുന്ന മറ്റൊരു ഓഫര്‍.
ഇതിനൊപ്പം ഒരു ജിബിയുടെ 4ജി ഡാറ്റയും ലഭിക്കും.28 ദിവസമാണ് ഇതിന്റെ കാലാവധി. 4ജി ലഭ്യമല്ലാത്ത ഉപഭോക്താക്കള്‍ക്ക് 50എബി ഡാറ്റയും സൗജന്യമാണ്. ജിയോയുടെ വന്‍ ഓഫറുകള്‍ക്ക് പിന്നാലെ കഴിഞ്ഞദിവസം ബി.എസ്എന്‍എല്ലും ആകര്‍കമായ ഓഫറുകള്‍ പ്രഖ്യാപിച്ചിരുന്നു. പ്രതിമാസം 149 രൂപ നിരക്കില്‍ പരിധിയില്ലാത്ത കോളുകള്‍ നല്‍കുന്ന ഓഫര്‍ അവതരിപ്പിച്ചുകൊണ്ടായിരുന്നു ഇത്.
സപ്തംബര്‍ അഞ്ചിന് സൗജന്യ വോയ്സ് കോളുകള്‍, 4ജി ഇന്റര്‍നെറ്റ് എന്നിവയുമായി റിലയന്‍സ് ജിയോ എത്തിയതോടെ മറ്റ് ടെലികോം കമ്പനികളെല്ലാം ഓഫറുകളുമായി രംഗത്തെത്തിയിട്ടുണ്ട്. ഇതിനകം ജിയോ സൗജന്യ ഓഫറുകള്‍ 2017 മാര്‍ച്ച് 31 വരെ നീട്ടുകയും ചെയ്തു.
Top