എം​ജി​ആ​ർ ആകാൻ ഇന്ദ്രജിത്ത്

തമിഴ്നാട് മുഖ്യമന്ത്രിയായിരുന്ന എംജിആറിനെ വെള്ളിത്തിരയിൽ അവതരിപ്പിക്കാൻ ഇന്ദ്രജിത്ത്. പ്രിയദർശിനി സംവിധാനം ചെയ്യുന്ന അയൺ ലേഡി എന്ന ചിത്രത്തിലാണ് ഇന്ദ്രജിത്ത് എംജിആറാകുന്നത്. തമിഴ്നാട് മുൻമുഖ്യമന്ത്രി ജയലളിതയുടെ ജീവിതകഥ പറയുന്ന ചിത്രമാണ് അയൺ ലേഡി. നിത്യാ മേനോനാണ് ജയലളിതയാകുന്നത്. ചിത്രത്തിന്‍റെ ഫസ്റ്റ്‌ലുക്ക് പോസ്റ്റർ നേരത്തെ തന്നെ ശ്രദ്ധ പിടിച്ചുപറ്റിയിരുന്നു. മണിരത്നം സംവിധാനം ചെയ്ത ഇരുവർ എന്ന ചിത്രത്തിൽ മോഹൻലാൽ എംജിആർ ആയി അഭിനയിച്ചിരുന്നു. കാർത്തിക് നരേന്‍റെ നരകാസുരൻ ആണ് ഇന്ദ്രജിത്തിന്‍റേതായി പുറത്തിറങ്ങാനുള്ള തമിഴ് ചിത്രം.