ഗുജറാത്ത് ലയൺസിനെതിരെ പുണെയ്ക്ക് അവിശ്വസനീയ ജയം; സ്റ്റോക്സിനു സെഞ്ചുറി

പുണെ∙ ഐപിഎല്ലിൽ ഗുജറാത്ത് ലയൺസിനെതിരെ റൈസിങ് പുണെ സൂപ്പർജയന്റിന് അഞ്ച് വിക്കറ്റ് വിജയം. ഒരു ബോൾ ശേഷിക്കെയാണ് ജയം. 19.5 ഓവറിൽ 161 റൺസെന്ന ഗുജറാത്തിന്റെ നേട്ടത്തെ പിന്തുടർന്ന പുണെ 19.5 ഓവറിൽ 167 റൺസെടുത്തു. പുണെയ്ക്കു വേണ്ടി ബെൻ സ്റ്റോക്സ് 63 പന്തിൽ 103 നേടിയതാണ് വിജയത്തിലെത്തിച്ചത്.

അഞ്ചാം പന്തിൽ ഡാനിയെൽ ക്രിസ്റ്റ്യന്റെ സിക്സ് പുണയെ വിജയത്തിലേക്ക് എത്തിക്കുകയായിരുന്നു. എട്ട് പന്തിൽ 17 റൺസാണ് ക്രിസ്റ്റ്യൻ നേടിയത്. ടോസ് നേടിയ പുണെ ഗുജറാത്ത് ലയൺസിനെ ബാറ്റിങ്ങിന് അയയ്ക്കുകയായിരുന്നു. ഗുജറാത്തിന്റെ ബേസിൽ തമ്പി നാല് ഓവറിൽ 35 റൺസ് വിട്ടുകൊടുത്തു. 2.5 ഓവർ എറിഞ്ഞ ജയിംസ് ഫോക്നർ 30 റൺസും വിട്ടുകൊടുത്തു.