ദുല്‍ഖര്‍ സല്‍മാനും സായ് പല്ലവിയും മുഖ്യവേഷത്തില്‍ എത്തുന്ന കലി എന്ന ചിത്രത്തിന്റെ ട്രെയ്‌ലര്‍ എത്തി. മൂക്കിന്‍തുമ്പത്ത് ദേഷ്യവുമായി നടക്കുന്ന സിദ്ധാര്‍ത്ഥിന്റയും ഭാര്യ അഞ്ജലിയുടെയും ജീവിതമുഹൂര്‍ത്തങ്ങളിലൂടെയാണ് ട്രെയിലര്‍ കടന്നുപോകുന്നത്.
മാര്‍ച്ച് 26ന് ചിത്രം തിയറ്ററുകളിലെത്തും. സമീ ര്‍ താഹിര്‍ ആണ് സംവിധാനം ചെയ്യുന്നത്. പ്രേമം എന്ന ചിത്രത്തില്‍ മലര്‍ എന്ന കഥാപാത്രമായി മലയാളത്തെയും തമിഴിനെയും കയ്യിലെടുത്ത സായ് പല്ലവിയുടെ പ്രേമത്തിന് ശേഷമുള്ള ചിത്രവുമാണ് കലി.
നവാഗതനായ രാജേഷ് ഗോപിനാഥനാണ് രചന. ഗോപിസുന്ദര്‍ സംഗീതവും ഗിരീഷ് ഗംഗാധരന്‍ ഛായാഗ്രഹണവും നിര്‍വഹിക്കുന്നു. സമീര്‍ താഹിര്‍,ആഷിക് ഉസ്മാന്‍, ഷൈജു ഖാലിദ് എന്നിവര്‍ ചേര്‍ന്ന് ഹാന്‍ഡ് മെയ്ഡ് ഫിലിംസിന്റെ ബാനറില്‍ കലി നിര്‍മ്മിക്കുന്നു. സെന്‍ട്രര്‍ പിക്‌ചേഴ്‌സാണ് വിതരണം. വിവേക് ഹര്‍ഷനാണ് എഡിറ്റര്‍.ചെമ്പന്‍ വിനോദ് ജോസ്, സൗബിന്‍ ഷാഹിര്‍, വിനായകന്‍ എന്നിവരും ചിത്രത്തിലുണ്ട്.
Top