വീട്ടുമുറ്റത്ത് കളിച്ചുകൊണ്ടിരുന്ന നാലരവയസുകാരനെ തട്ടികൊണ്ടുപോകാന്‍ ശ്രമം; ആന്ധ്രാ സ്വദേശിയെ പോലീസ് അറസ്റ്റു ചെയ്തു

ആലപ്പുഴ: ആലപ്പുഴ ചന്തിരൂരില്‍ വീട്ടുമുറ്റത്ത് കളിച്ചുകൊണ്ട് നിന്ന നാലര വയസുകാരനെ തട്ടിക്കൊണ്ടു പോകാന്‍ ശ്രമം. സംഭവത്തില്‍ ആന്ധ്രാ സ്വദേശി നാഗേന്ദറിനെ പൊലീസ് അറസ്റ്റ് ചെയ്തു. ഇയാള്‍ ഭിക്ഷാടന മാഫിയയില്‍പെട്ടതാണോയെന്ന് പൊലീസ് അന്വേഷിക്കുന്നുണ്ട്.

വീട്ടുമുറ്റത്ത് കളിച്ചുകൊണ്ടിരുന്ന കുട്ടിയെ ഭിക്ഷാടകന്‍ ചമഞ്ഞ് എത്തിയ ആന്ധ്രാ സ്വദേശിയായ നാഗേനദേര്‍ തട്ടിക്കൊണ്ടു പോകാന്‍ ശ്രമിക്കുകയായിരുന്നു. കുട്ടിയെ എടുത്ത് പുറത്തുകടന്ന ഇയാളെ കുട്ടി കടിച്ചു പരിക്കേല്‍പ്പിച്ചു. തുടര്‍ന്ന് കുട്ടിയുടെ കരച്ചില്‍ കേട്ട് അമ്മ എത്തിയപ്പോളേക്കും ഇയാള്‍ കുട്ടിയെ ഉപേക്ഷിച്ച് രക്ഷപെടാന്‍ ശ്രമിച്ചു. എന്നാല്‍ നാട്ടുകാരും സമീപത്തെ ഓട്ടോറിക്ഷ തൊഴിലാളികളും ചേര്‍ന്ന് ഇയാളെ പിടികൂടി പൊലീസില്‍ ഏല്‍പ്പിക്കുകയായിരുന്നു.