അന്യ സംസ്ഥാനത്തൊഴിലാളികൾ താമസിച്ചിരുന്ന കെട്ടിടത്തിൽ പാചക വാതക സിലിണ്ടർ പൊട്ടിത്തെറിച്ചു

കൊച്ചി: കൊച്ചി കടവന്ത്രയിൽ പാചകവാതക സിലിണ്ടർ തീ പിടിച്ച് പൊട്ടിത്തെറിച്ചു.

അന്യ സംസ്ഥാനത്തൊഴിലാളികൾ താമസിച്ചിരുന്ന കെട്ടിടത്തിലെ സിലിണ്ടറാണ് പൊട്ടിത്തെറിച്ചത്. ആർക്കും പരിക്കില്ല. രാവിലെ പതിനൊന്നരയോടെയായിരുന്നു സംഭവം.

തൊഴിലാളികള്‍ ജോലിക്കു പോയ സമയത്താണ് തീപിടുത്തമുണ്ടായത്. ആദ്യം തീ പടര്‍ന്നത് ഒരു സിലിണ്ടറിലാണ്. അത് പൊട്ടിത്തെറിച്ച് മറ്റൊരു സിലിണ്ടറിനും തീപിടിച്ചു. അഗ്നിശമന സേന ഉദ്യോഗസ്ഥരെത്തി തീയണച്ചു.