മധുര: മധുര മീനാക്ഷി ക്ഷേത്രത്തിന് സമീപം വന്‍ തീപിടിത്തം. മുപ്പത്തിയഞ്ചോളം കടകള്‍ കത്തിനശിച്ചു. രാത്രി 10.45ന് ശേഷമാണ് സംഭവം.ഏറെ പരിശ്രമത്തിന് ശേഷം പുലര്‍ച്ചെ ഒന്നരയോടെ തീയണച്ചു. ക്ഷേത്രത്തിന്റെ കിഴക്കേ ഗോപുരഭാഗത്തോടു ചേര്‍ന്നുള്ള കടകളാണു നശിച്ചത്. 60 അഗ്‌നിശമനസേനാംഗങ്ങളാണു രക്ഷാപ്രവര്‍ത്തനത്തില്‍ പങ്കെടുത്തത്. സംഭവത്തില്‍ ആര്‍ക്കും പരിക്കില്ലെന്നും നാശനഷ്ടത്തെക്കുറിച്ച് ഇപ്പോള്‍ പറയാനാകില്ലെന്നും മധുര കലക്ടര്‍ കെ.വീരരാഘവ റാവു പറഞ്ഞു. ക്ഷേത്രത്തിലെ ചടങ്ങുകള്‍ മുടക്കമില്ലാതെ നടക്കുമെന്നും കലക്ടര്‍ അറിയിച്ചു.
Tags: madhura meenakshi temple
Top