കൊച്ചി: രാജ്യമുഴുവനും നോട്ട് നിരോധനവും പുതിയ നോട്ടുകളും ചര്‍ച്ചയാകുമ്പോള്‍ മലയാള സിനിമയിലും പണകിലുക്കം. മമ്മൂട്ടിയെ നായകനാക്കി രഞ്ജിത്ത് ഒരുക്കുന്ന പുതിയ ചിത്രത്തിന് പേരിട്ടാണ് മലയാളി സിനിമ ഇതിനൊപ്പം ചേര്‍ന്നത്. പുത്തന്‍പണം: ദി ന്യൂ ഇന്ത്യന്‍ റുപ്പി എന്നു പേരിട്ട ചിത്രത്തിന്റെ ഷൂട്ടിങ് നവംബര്‍ അവസാനം കൊച്ചിയില്‍ ആരംഭിക്കും.
കടല്‍ കടന്നൊരു മാത്തുക്കുട്ടിക്കുശേഷം മമ്മൂട്ടിയെ നായകനാക്കി രഞ്ജിത്ത് ഒരുക്കുന്ന ചിത്രമാണിത്. കള്ളപ്പണത്തിനും കള്ളനോട്ടിനും തടയിടാനായി കേന്ദ്ര സര്‍ക്കാര്‍ ആയിരം, അഞ്ഞൂറ് നോട്ടുകള്‍ പിന്‍വലിച്ച സാഹചര്യത്തിലാണ് പുത്തന്‍പണം എന്ന പേരില്‍ ചിത്രം ഒരുങ്ങുന്നത് എന്നതാണ് ശ്രദ്ധേയം.
റിയല്‍ എസ്റ്റേറ്റ് രംഗത്തെയും കള്ളനോട്ടുകളുടെയും എല്ലാം കഥ പറഞ്ഞ ഇന്ത്യന്‍ റുപ്പി ഇറങ്ങി അഞ്ചു വര്‍ഷത്തിനുശേഷമാണ് പുത്തന്‍ പണം: ദി ന്യൂ ഇന്ത്യന്‍ റുപ്പി എന്ന പേരില്‍ രഞ്ജിത്ത് തന്നെ മറ്റൊരു ചിത്രമൊരുക്കുന്നത്.
Top