ലണ്ടന്‍: ആകാശത്തിലൂടെ പറക്കുമ്പോള്‍ നമ്മളിപ്പോള്‍ മരിക്കുമെന്ന് ഒരാള്‍ പറഞ്ഞാല്‍ എങ്ങനെയയിരിക്കും. ഞെട്ടി തരിച്ചു നിന്നുപോയ നിമിഷം പറഞ്ഞറിയിക്കാന്‍ സാധിക്കില്ല. ലണ്ടണിലെ ഗേറ്റവിക്ക് വിമാനത്താവളത്തില്‍ നിന്നും പുറപ്പെട്ട വിമാനത്തില്‍ വച്ചാണ് സംഭവം നടന്നത്.
വിമാനം പറന്നുയരുമ്പോള്‍ ഒന്നും ചെയ്യാനാകാതെ യാത്രക്കാരെല്ലാം ഭയന്നുവിറച്ചു. തീവ്രവാദ ഭീഷണിയാണെന്ന് കരുതിയ യാത്രക്കാര്‍ കൂട്ടമായി നിലവിളിക്കാന്‍ തുടങ്ങി. കൈവിലങ്ങണിഞ്ഞ പ്രതിയുടെ നിലവിളി വിമാനത്തെയാകെ വിറപ്പിച്ചു.
ഇയാള്‍ അള്ളാഹു അക്ബര്‍ എന്നും മരണം സംഭവിക്കാന്‍ പോകുന്നു എന്നും പറഞ്ഞ് നിലവിളിക്കുകയായിരുന്നു. ബ്രിട്ടീഷ് പൊലീസിന്റെ പിടിയിലാണ് ഇയാള്‍ എന്നറിഞ്ഞപ്പോഴാണ് ആളുകള്‍ നിശബ്ദരായി.
29 തവണ അല്ലാഹു അക്ബര്‍ എന്നും, 17 പ്രാവശ്യം മരണം വരുന്നു എന്നും ഇയാള്‍ പറഞ്ഞതായാണ് വിവരങ്ങള്‍. ഇയാളുടെ ശബ്ദം വിമാനത്തിലുണ്ടായിരുന്ന ഒരാള്‍ റെക്കോര്‍ഡ് ചെയ്യുകയുമുണ്ടായി.
Top