വാ​​ന​​ര​​സം​​ഘം ര​​ണ്ടു​​ല​​ക്ഷ​​മ​​ട​​ങ്ങി​​യ ബാ​​ഗ്​ തട്ടിയെടുത്തു

പീരുമേട്: നിര്‍ത്തിയിട്ട ലോറിയില്‍നിന്ന് രണ്ടുലക്ഷത്തിലധികം രൂപയടങ്ങുന്ന ബാഗ് വാനരസംഘം കവര്‍ന്നു. പീരുമേട് വളഞ്ചാങ്കാനം വെള്ളച്ചാട്ടത്തിന് സമീപം കഴിഞ്ഞദിവസമാണ് സംഭവം. തമിഴ്നാട് തിരുച്ചിറപ്പള്ളി സ്വദേശികളായ കച്ചവടക്കാര്‍ക്കാണ് പണം നഷ്ടമായത്.

കേരളത്തില്‍ വാഴക്കുല വിറ്റശേഷം തമിഴ്നാട്ടിലേക്ക് ലോറിയില്‍ മടങ്ങുകയായിരുന്നു 20 അംഗ സംഘം. വളഞ്ചങ്കാനം വെള്ളച്ചാട്ടത്തിന് സമീപം ലോറി നിര്‍ത്തിയശേഷം ചായ കുടിക്കാനായി മാറിയപ്പോഴാണ് വാനരസംഘം വാഹനത്തിനുള്ളില്‍ കടന്ന് പണമടങ്ങിയ ബാഗ് കൈക്കലാക്കിയത്. ബാഗുമായി വനത്തിലേക്ക് മറഞ്ഞ വാനരന്മാര്‍ക്കായി വ്യാപക തിരച്ചില്‍ നടത്തിയെങ്കിലും കണ്ടെത്താനായില്ല. മുറിഞ്ഞപുഴ വനത്തില്‍നിന്നാണ് വാനരന്മാര്‍ റോഡില്‍ എത്തുന്നത്.