സുധാകരന്‍ – മോന്‍സണ്‍ ബന്ധം ; പരസ്യ പ്രതികരണത്തിനില്ല ; കാര്യങ്ങൾ പറയേണ്ട സ്ഥലത്ത് പറയും ; മുല്ലപ്പള്ളി രാമചന്ദ്രൻ

കോഴിക്കോട് :
പുരാവസ്തു തട്ടിപ്പുകാരനായ മോന്‍സണുമായുള്ള ബന്ധത്തില്‍ പൊതുപ്രവര്‍ത്തകര്‍ ശ്രദ്ധിക്കേണ്ടതായിരുന്നുവെന്ന് കോണ്‍ഗ്രസ് നേതാവ് മുല്ലപ്പള്ളി രാമചന്ദ്രൻ. കെ സുധാകരന്‍ -മോന്‍സണ്‍ ബന്ധത്തില്‍ പരസ്യമായി പ്രതികരിക്കാന്‍ തനിക്കാവില്ല. പറയേണ്ട സ്ഥലത്ത് പറയും. ആളുകളെ തിരിച്ചറിയാന്‍ ഓരോരുത്തര്‍ക്കും സാധിക്കണം.

സുധാകരന്‍ മോന്‍സന്റെയടുത്ത് പോയത് രോഗാതുരനായതുകൊണ്ടാണെന്ന് പറഞ്ഞിട്ടുണ്ട്. കൂടുതല്‍ പാര്‍ടികള്‍ സെമികേഡര്‍ സംവിധാനത്തിലേക്ക് മാറുന്നത് നല്ല കാര്യമാണെന്നും മുല്ലപ്പള്ളി പറഞ്ഞു.