സൂപ്പര്‍ ഹിറ്റ് ഫിലിം പുലിമുരുകന്’ ശേഷം നിര്‍മ്മാതാവ് ടോമിച്ചന്‍ മുളകുപാടം നിര്‍മ്മിക്കുന്ന പുതിയ ചിത്രത്തില്‍ ദിലീപ് നായകനാകും. രാമലീലയെന്നാണ് ചിത്രത്തിന്റെ പേര്.
യുവ എംഎല്‍എയുടെ വേഷത്തിലാണ് ദിലീപ് എത്തുന്നത്. പ്രയാഗാ റോസ് മാര്‍ട്ടിനാണ് ചിത്രത്തിലെ നായിക. നവാഗതനായ അരുണ്‍ ഗോപിയാണ് ചിത്രം സംവിധാനം ചെയ്യുന്നത്. രാമലീലയുടെ ചിത്രീകരണം കൊച്ചിയില്‍ പുരോഗമിക്കുകയാണ്. ദിലീപിന്റെ ജോര്‍ജേട്ടന്‍സ് പൂരമാണ് പുറത്തിറങ്ങാനുള്ള ചിത്രം. എന്നാല്‍ ദിലീപ് ചിത്രങ്ങളില്‍ നിന്നും നിര്‍മ്മാതാക്കള്‍ പിന്മാറുന്നതയി പ്രത്യേക കേന്ദ്രങ്ങളില്‍ നിന്ന വാര്‍ത്തകള്‍ പുറത്ത് വരുന്നതും ശ്രദ്ധയില്‍ പെട്ടതായി ദിലിപിനോട് അടുത്ത ബന്ധമുള്ളവര്‍ പറഞ്ഞു.
കാവ്യ ദിലീപ് വിവാഹത്തിനുശേഷം ചില കേന്ദ്രങ്ങളില്‍ നിന്ന് ഗൂഢാലോചനാപരമായി വാര്‍ത്തകള്‍ വരുന്നതായും ഇവര്‍ ചൂണ്ടികാട്ടി. പുലിമുരുകന്റെ സംവിധായകന്‍ വൈശാഖ് സംവിധാനം ചെയ്യുന്ന റാഫി മതിര നിര്‍മ്മിക്കുന്ന ചിത്രത്തില്‍ ദിലീപ് നായകനാകുമെന്ന വാര്‍ത്തകളും പുറത്ത് വരുന്നുണ്ട്.
Top