തെന്നിന്ത്യയിലെ ലേഡി സൂപ്പര്‍ സ്റ്റാര്‍ നയന്‍താരയും തമിഴ് സംവിധായകന്‍ വിഘ്‌നേഷ് ശിവനും തമ്മില്‍ പ്രണയത്തിലാണെന്ന കാര്യം ഏറെ നാളായി പ്രചരിക്കുന്ന വാര്‍ത്തകളിലൊന്നാണ്. ഇരുവരും ഉടന്‍ തന്നെ വിവാഹിതരാകുമെന്നും ഇതിനോടനുബന്ധിച്ച് നയന്‍താര പുതിയ പ്രോജക്ടുകളൊന്നും ഏറ്റെടുക്കുന്നില്ലെന്നും വാര്‍ത്തകള്‍ പ്രചരിച്ചിരുന്നു. എന്നാല്‍ താരങ്ങള്‍ ഇതിനൊടൊന്നും ഇതുവരെ പ്രതികരിച്ചിട്ടില്ല.
എന്നാല്‍ ഇപ്പോള്‍ ഗോസിപ്പുകള്‍ക്ക് ആക്കം കൂട്ടി അനയന്‍താരയുടെ പിറന്നാള്‍ ആഘോഷത്തിന്റെ ചിത്രങ്ങള്‍ വിഘ്‌നേഷ് ശിവന്‍ തന്റെ ട്വിറ്റര്‍ അക്കൗണ്ടില്‍ ആരാധകര്‍ക്കായി പങ്കുവച്ചിരിക്കുകയാണ്.
നയന്‍സ് തന്റെ 32-ആം പിറന്നാള്‍ കാമുകനായ വിഘ്‌നേഷിനൊപ്പം ആഘോഷിച്ചതോടെ ഇരുവരുടെയും വിവാഹ വാര്‍ത്തകള്‍ക്ക് വീണ്ടും ചൂടുപിടിച്ചിരിക്കുകയാണ്. നയന്‍താര ഒരുപാട് സന്തോഷവതിയാമെന്നും തന്റെ ജീവിതത്തിലെ ഏറ്റവും പ്രിയപ്പെട്ട ദിനമാണ് ഇതെന്നും വിഘ്‌നേഷ് പറഞ്ഞു
നയന്‍താരയും വിഘ്‌നേശ് ശിവയും പ്രണയത്തിലാണെന്നുള്ള കാര്യം കോളിവുഡില്‍ പാട്ടാണ്. ഇരുവരും ഒന്നിച്ച് വിദേശ യാത്രകള്‍ പോയതുമെല്ലാം പാപ്പാരാസികള്‍ നേരത്തെ കണ്ടെത്തിയിട്ടുണ്ട്. എന്നാല്‍ പ്രണയ വാര്‍ത്തകള്‍ സത്യമാണോ എന്ന കാര്യത്തോട് നയന്‍താരയോ വിഘ്‌നേശ് ശിവയോ ഇതുവരെ തുറന്ന് പറഞ്ഞിട്ടില്ലെങ്കിലും പ്രണയത്തിലാണന്നുള്ള തെളിവുകളാണ് ഇപ്പോള്‍ പുറത്ത് വന്നുകൊണ്ടിരിക്കുന്നത്.
മലയാളത്തില്‍ സത്യന്‍ അന്തിക്കാടിന്റെ മനസിനക്കരെയില്‍ നായികയായി തുടക്കംകുറിച്ച ഡയാന മേരി കുര്യനെന്ന നയന്‍താര വളരെ പെട്ടെന്നാണ് തെന്നിന്ത്യയുടെ താരറാണിയെന്ന സിംഹാസനം പിടിച്ചടക്കിയത്. തമിഴിലും തെലുങ്കിലും കന്നഡയിലും മുന്‍നിര നായകന്മാരോടൊപ്പം അഭിനയിച്ച നയന്‍താര തെരഞ്ഞെടുക്കുന്ന ചിത്രങ്ങളിലും കഥാപാത്രങ്ങളിലും സൂക്ഷ്മത പ്രകടിപ്പിച്ചിരുന്നു. നയന്‍താരയുടെ രണ്ടാം വരവില്‍ പുറത്തിറങ്ങിയ രാജാറാണി തമിഴില്‍ സൂപ്പര്‍ഹിറ്റായിരുന്നു. നയന്‍താരയുടെ പിറന്നാളിനോട് അനുബന്ധിച്ച് പുതിയ ചിത്രം ആരാമിന്റെ ഫസ്റ്റ് ലുക്ക് പോസ്റ്റര്‍ അണിയറ പ്രവര്‍ത്തകര്‍ പുറത്ത് വിട്ടിട്ടുണ്ട്.
Top