ഉപഭോകതാക്കൾക്ക് കിടിലൻ ഓഫറുമായി വോഡാഫോൺ; സൂപ്പര്‍ ഡേ, സൂപ്പര്‍ വീക്ക് പ്ലാനുകള്‍ വഴി പരിധിയില്ലാത്ത ലോക്കല്‍, എസ്ടിഡി കോളുകളും സൗജന്യ ഡേറ്റയും

പ്രീപെയ്ഡ് വരിക്കാര്‍ക്ക് സന്തോഷം തരുന്ന ഒരു വാര്‍ത്തയുമായിട്ടാണ് വോഡഫോണ്‍ വന്നിരിക്കുന്നത്. ഉപഭോക്താക്കള്‍ക്കായി വോഡഫോണ്‍ പുതിയ ഓഫറുമായി രംഗത്ത് വന്നിരിക്കുകയാണ്. സൂപ്പര്‍ ഡേ, വോഡഫോണ്‍ സൂപ്പര്‍ വീക്ക് പ്ലാനുകള്‍ വഴി പരിധിയില്ലാത്ത ലോക്കല്‍, എസ്ടിഡി കോളുകളും സൗജന്യ ഡേറ്റയുമാണ് ഓഫറായി നല്‍കുന്നത്.

വോഡഫോണ്‍ സൂപ്പര്‍ ഡേയില്‍ വരിക്കാര്‍ക്ക് 19 രൂപയ്ക്കു റീചാര്‍ജ് ചെയ്ത് വോഡഫോണ്‍ ശൃംഖലയില്‍ ഒരു ദിവസത്തേക്ക് പരിധിയില്ലാത്ത ലോക്കല്‍, എസ്ടിഡി കോളുകളും 100 എംബി ഡേറ്റയും (4ജി ഹാന്‍ഡ് സെറ്റുകളില്‍) ഇനി ആഘോഷമാക്കാം. വോഡഫോണ്‍ സൂപ്പര്‍ വീക്കിലൂടെ 49 രൂപയ്ക്കു റീചാര്‍ജ് ചെയ്ത് വോഡഫോണില്‍ ഒരാഴ്ചത്തേക്ക് പരിധിയില്ലാത്ത ലോക്കല്‍, എസ്ടിഡി കോളുകളും 250 എംബി ഡേറ്റയും ഉപയോഗിക്കാം. കൂടാതെ വോഡഫോണ്‍ സൂപ്പര്‍ വീക്കിലൂടെ 89 രൂപയ്ക്കു റീചാര്‍ജ് ചെയ്ത് മറ്റു നെറ്റ്‌വര്‍ക്കുകളിലേക്ക് 100 മിനിറ്റ് അധിക ടോക്ക് ടൈം കൂടുതലായി നേടാം.

തുടര്‍ച്ചയായി ഈ ഓഫര്‍ പാക്ക് വാങ്ങുന്നതിലൂടെ ഉപഭോക്താക്കള്‍ക്ക് എല്ലാ ദിവസവും ഓരോ ആഴ്ചയിലും ഈ സൗകര്യങ്ങള്‍ മുടക്കമില്ലാതെ ആസ്വദിക്കാനാകും. ടെലികോം മേഖലയില്‍ മത്സരം നടക്കുന്ന ഈ സാഹചര്യത്തില്‍ ഉപഭോക്താക്കള്‍ക്ക്് മുടക്കുന്ന പണത്തിന് ഏറ്റവും മികച്ച മൂല്യവും ഉപയോഗവും നല്‍കുന്നതില്‍ വോഡഫോണ്‍ എന്നും ഉപഭോക്താക്കളുടെ ഒപ്പം ഉണ്ടായിരിക്കുമെന്നും വോഡഫോണ്‍ ഇന്ത്യ കൊമേഴ്‌സ്യല്‍ ഡയറക്ടര്‍ സന്ദീപ് കടാരിയ പറഞ്ഞു.

സൂപ്പര്‍ ഡേ, സൂപ്പര്‍ വീക്ക് പാക്കുകള്‍ എല്ലാ റീട്ടെയില്‍ ഔട്ട്‌ലെറ്റുകളിലും, വെബ്‌സൈറ്റിലും, മൈ വോഡഫോണ്‍ ആപ്പിലും ലഭ്യമാണ്. നിരക്കുകള്‍ ഓരോ സര്‍ക്കളിലും വ്യത്യസ്തമായിരിക്കാം