പ്രതിഫലക്കാര്യത്തില്‍ മലയാളത്തിലെ സൂപ്പര്‍സ്റ്റാറുകളെ പിന്നിലാക്കി പാര്‍വ്വതിയും നിവിന്‍പോളിയും. തുടര്‍ച്ചയായ നിരവധി ചിത്രങ്ങള്‍ വിജയിച്ചതോടെയാണ് പാര്‍വ്വതി പ്രതിഫലം കുത്തനെ ഉയര്‍ത്തിയത്.
വളരെ ചുരുങ്ങിയ നാളുകൊണ്ട് പ്രേക്ഷക മനസില്‍ ഇടം നേടിയ നടനായ നിവിന്‍ തമിഴില്‍ ആദ്യമായെത്തുന്ന റിച്ചി എന്ന ചിത്രത്തില്‍ അഭിനയിക്കാനാണ് വമ്പന്‍ പ്രതിഫലം വാങ്ങിയത്. എന്നാല്‍ പുറത്തിറങ്ങിയ ചിത്രങ്ങളെല്ലാം സൂപ്പര്‍ഹിറ്റാക്കി മാറ്റിയ പാര്‍വ്വതി ടേക്ക് ഓഫിന്റെ വിജയത്തോടെ പ്രതിഫലം കുത്തനെ ഉയര്‍ത്തുകയായിരുന്നു.
മലയാളത്തിലെ ഒരു താരത്തിന്റെ ഏറ്റവും ഉയര്‍ന്ന പ്രതിഫലമാണ് നിവിന്‍ പോളി സ്വന്തമാക്കുന്നത്. റിച്ചി എന്ന പുതിയ തമിഴ് ചിത്രത്തിലാണ് മലയാള താരങ്ങളിലെ ഏറ്റവും ഉയര്‍ന്ന പ്രതിഫലം നിവിന്‍ വാങ്ങിയത്. ആറ് കോടി രൂപയാണ് റിച്ചിയിലെ നിവിന്റെ പ്രതിഫലം.
ഇതുവരെ ഏറ്റവും ഉയര്‍ന്ന പ്രതിഫലം വാങ്ങിയിരുന്ന നടന്‍ മോഹന്‍ലാലായിരുന്നു. തെലുങ്ക് ചിത്രം ജനതാഗാരേജില്‍ അഭിനയിക്കുന്നതിനായി അഞ്ച് കോടി രൂപയായിരുന്നു മോഹന്‍ലാല്‍ വാങ്ങിയത്. എന്നാല്‍ റിച്ചിയിലൂടെ അതിനെ മറികടന്നിരിക്കുകയാണ് നിവിന്‍ പോളി. എന്നാല്‍ മലയാള സിനിമയക്കായി നിവിന്‍ വാങ്ങുന്ന പ്രതിഫലം വളരെ കുറവാണ്. ഒരു കോടി രൂപയാണ് നിവിന്റെ പ്രതിഫലം.
മുപ്പത് ലക്ഷം രൂപ മുതല്‍ 35 ലക്ഷം വരെയായിരുന്നു ഇതുവരെ പാര്‍വ്വതിയുടെ പ്രതിഫലം. എന്നാല്‍ തുടര്‍ച്ചയായ വിജയങ്ങള്‍ പാര്‍വ്വതി പ്രതിഫലം ഉയര്‍ത്തുകയായിരുന്നു. ഇപ്പോള്‍ ഒരു കോടി രൂപയാണത്രെ പാര്‍വ്വതിയുടെ പ്രതിഫലം.
Top