പി.പി ചെറിയാൻ
ന്യുവാക്ക് (കാലിഫോർണിയ): ലിറ്റററി അസോസിയേഷൻ ഓഫ് നോർത്ത് അമേരിക്കാ റീജിയണൽ കൺവൻഷനുള്ള ഒരുക്കങ്ങൾ പുരോഗമിക്കുന്നു.
ജൂൺ 17 നു 18 തീയതികളിൽ നടക്കുന്ന ദ്വിദിന സമ്മേളനത്തിൽ മലയാളത്തിലെ പ്രശ്ത സാഹിത്യകാരന്മാരായ സേതുവും പി.കെ പാറക്കടവും മുഖ്യാതിഥികളായി പങ്കെടുക്കും. ജൂൺ 17 നു ഉദ്ഘാടന സമ്മേളനത്തിനു ശേഷം ഒഎൻവി കുറുപ്പിനു ആദരാഞ്ജലികൾ അർപ്പിച്ചു കൊണ്ടാണ് പരിപാടികൾക്കു ആദരം കുറിക്കുന്നത്.
കവിത നോവൽ സമ്മേളനങ്ങൾ മൾട്ടീമാഡിയ സോഷ്യൽ മീഡിയ പുതിയ പ്രവണതകൾ തുടങ്ങിയ വിഷയങ്ങളെകുറിപ്പുള്ള ചർച്ചകൾ കലാപരിപാടികൾ എന്നിവ സമ്മേളനത്തിൽ ഉൾപ്പെടുത്തിയിട്ടുള്ളതായി ഭാരവാഹികൾ അറിയിച്ചു.
പ്രസിഡന്റ് ജോസ് ഓച്ചാലിൽ സെക്രട്ടറി ജെ.മാത്യു തുടങ്ങിയവർ നേതൃത്വം നൽകുന്ന ലാനായുടെ റീജിയണൽ കൺവൻഷൻ വിജയകരമായി സംഘടിപ്പിക്കുന്നതിനു മാടശേരി നീലകണ്ഠൻ ഗീതാ ജോർജ് പ്രേമ തെക്കേക്കുറ്റ് തമ്പി ആന്റണി എന്നിവർ ഉൾപ്പെടുന്ന വിപുലമായ കമ്മിറ്റിയാണ് പ്രവർത്തന നിരതമായിരിക്കുന്നത്.
കാലിഫോർണിയ ന്യൂവാക്കിലുള്ള മെഹ്‌റാൻ റസ്‌റ്റോറണ്ട് ഹാളിലാണ് സമ്മേളന പരിപാടികൾ നടക്കുന്നത്. പ്രതിനിധികൾക്കു താമസ സൗകര്യം ഒരുക്കിയിരിക്കുന്ന ന്യൂവാക്ക് ഹിൽട്ടൺ ഡബിൾ ട്രീയിൽ കുറഞ്ഞ നിരക്കിൽ റൂമുകൾ ലഭ്യമാകുന്ന തീയ്യതി ഈ മാസം ഇരുപതോടെ അവസാനിക്കുമെന്നു ഭാരവാഹികൾ അറിയിച്ചു. ലാന സമ്മേളനം വിജയിപ്പിക്കുന്നതിനു എല്ലാവരുടെയും സഹകരണം സംഘാടകർ അഭ്യർഥിച്ചു.
മാടശേരി നീലകണ്ഠൻ – 9257850315
Top