ലിമറിക്ക് :വചനം മാംസമായി വിശ്വാസ ഹൃദയങ്ങളിലേക്ക് ചാട്ടുളിപോലെ .വിശ്വാസ ദീപ്തമായി കടന്നെത്തി. അയര്‍ലണ്ടിന്റെ വിവിധ ഭാഗങ്ങളില്‍ നിന്നും ലിമറിക്ക് അഭിഷേകാഗ്‌നി കണ്‍വന്‍ഷനിലേയ്ക്ക് ആയിരങ്ങള്‍ ഒഴുകിയെത്തി. അരൂപിയുടെ നിറവ് നേടി വെള്ളിയാഴ്ച്ച രാവിലെ മുതല്‍ വിശ്വാസസമൂഹം ലീമെറിക്കിലേക്ക് ഒഴികിയെത്തുകയായിരുന്നു.ഏകദേശം രണ്ടായിരത്തിനടുത്ത വിശ്വാസിസമൂഹം ഇന്നത്തെ ധ്യാനത്തില്‍ പങ്കെടുത്തു.
ഫാ. സേവ്യര്‍ ഖാന്‍ വട്ടായിലിന്റെ നേതൃത്വത്തില്‍ അട്ടപ്പാടി സെഹിയോന്‍ ടീം നയിക്കുന്ന അഭിഷേകാഗ്‌നി ധ്യാനം ലിമറിക്കിലെ പാട്രിക്ക്‌സ് വെല്ലിലുള്ള റേസ്‌കോഴ്‌സ് ഓഡിറ്റോറിയത്തില്‍ വെള്ളിയാഴ്ച്ച രാവിലെ തുടക്കം കുറിച്ചിരുന്നു.
ഫാ. സേവ്യര്‍ ഖാന്‍ വട്ടായിലിന്റെ നേതൃത്വത്തില്‍ അട്ടപ്പാടി സെഹിയോന്‍ ടീം നയിക്കുന്ന അഭിഷേകാഗ്‌നി ധ്യാനം ലിമറിക്കിലെ പാട്രിക്ക്‌സ് വെല്ലിലുള്ള റേസ്‌കോഴ്‌സ് ഓഡിറ്റോറിയത്തില്‍ വെള്ളിയാഴ്ച രാവിലെ 9 മണിയ്ക്ക് ആരംഭിക്കും. ഓഗസ്റ്റ് 28,29,30 തിയതികളില്‍ രാവിലെ 9 മുതല്‍ വൈകീട്ട് 5.30 വരെയാണ് അഭിഷേകാഗ്‌നി ധ്യാനം ഒരുക്കിയിരുന്നത്.വെള്ളിയാഴ്ച്ച രാവിലെ 8 മണിയോടെ ഫാ.സേവ്യര്‍ഖാന്‍ വട്ടായില്‍ റേസ്‌കോഴ്‌സ് ഓഡിറ്റോറിയത്തില്‍ എത്തിച്ചേര്‍ന്നിരുന്നു.
8 മണി മുതല്‍ ധ്യാനഗുരുവിനെ നേരിട്ട് കണ്ടു പ്രാര്‍ഥിക്കാനുള്ള സൗകര്യം ഉണ്ടായിരുന്നു.ബ്രദര്‍ സാബു ആറുതൊട്ടിയും ഫാ.സേവ്യര്‍ഖാന്‍ വട്ടായിലിന്റെ ടീമില്‍ ഉള്‍പ്പെട്ട് ലീമറിക്കില്‍ എത്തിയിട്ടുണ്ട്.
ഉച്ചയ്ക്ക് 12 മണിയ്ക്ക് ആരംഭിക്കുന്ന വി. കുര്‍ബാന മദ്ധ്യേ സീറോ മലബാര്‍ സഭയുടെ നാഷ്ണല്‍ കോര്‍ഡിനേറ്റര്‍ റവ. മോണ്‍. ആന്റണി പെരുമായന്‍ ധ്യാനം ഔദ്യോഗികമായി ഉത്ഘാടനം ചെയ്തു.
കൗണ്‍സിലിംങ്ങിനുള്ള 10 അംഗ ടീമും ഇന്ന് രാവിലെ മുതല്‍ ശുശ്രൂഷ ആരംഭിക്കും.കുട്ടികളുടെ ധ്യാനത്തിനു നേതൃത്വം നല്കുന്ന യൂ കെ സെഹിയോന്‍ മിനിസ്ട്രി ടീമാണ്.
അയര്‍ലണ്ടിലെ പത്തോളം മലയാളി വൈദീകരുടെ സേവനം ധ്യാനകേന്ദ്രത്തില്‍ ലഭ്യമാണ്.വെള്ളിയാഴ്ച്ച രാവിലെ മുതല്‍ കുമ്പസാരത്തിനുള്ള സൗകര്യം ഒരുക്കിയിട്ടുണ്ട്.
ശനിയാഴ്ച ലിമറിക്ക് രൂപത ബിഷപ്പ് മോസ്റ്റ് റവ. ഡോ. ബ്രണ്ടന്‍ ലീഹി വചനസന്ദേശം നല്‍കും.
ലീമറിക്ക് സീറോ മലബാര്‍ സഭയുടെയും,ലീമറിക്ക് മലയാളി സമൂഹത്തിന്റെയും ആഭിമുഖ്യത്തില്‍ വിപുലമായ ഒരുക്കങ്ങളാണ് ധ്യാനത്തിനായി ക്രമീകരിച്ചിരിക്കുന്നത്.മറ്റു സ്ഥലങ്ങളില്‍ നിന്നെത്തുന്നവര്‍ക്ക് ലീമറിക്കിലെ ഹോട്ടലുകളിലും,ബി ആന്‍ഡ് ബിയിലും മലയാളി ഭവനങ്ങളിലുമായി താമസസൗകര്യം ഒരുക്കിയിട്ടുണ്ട്.
Top