ഷാര്‍ജ: ഷാര്‍ജയില്‍ വാഹനാപകടത്തില്‍ മൂന്നു മലയാളി വിദ്യാര്‍ത്ഥികള്‍ മരിച്ചു. കോഴിക്കോട് നാദാപുരം പാറക്കടവ് താനക്കോട്ടൂര്‍ സ്വദേശി അഷ്‌റഫിന്റെ മകന്‍ അഷ്മിദ്(19), കണ്ണൂര്‍ പാനൂര്‍ സ്വദേശി മുസ്തഫയുടെ മകന്‍ ഷിഫാം(19), കോഴിക്കോട് ഫറൂഖ് സ്വദേശി മുഹമ്മദ് സുനൂന്‍(19) എന്നിവരാണ് മരിച്ചത്.
ഒപ്പമുണ്ടായിരുന്ന രണ്ട് വിദ്യാര്‍ത്ഥികളെ പരിക്കുകളോടെ ആശുപത്രിയില്‍ പ്രവേശിപ്പിച്ചു. മദാമിനടുത്ത് ഹത്ത റോഡിലാണ് അപകടമുണ്ടായത്.
ദുബായ് മിഡില്‍സെക്‌സ് യൂണിവേഴ്‌സിറ്റിയില്‍ ബിരുദ വിദ്യാര്‍ത്ഥികളായിരുന്നു മൂവരും. ഇവര്‍ സഞ്ചരിച്ച കാറിന് പിന്നില്‍ മറ്റൊരു വാഹനം ഇടിക്കുകയും കാര്‍ മറിയുകയുമായിരുന്നു. വെള്ളിയാഴ്ച രാത്രി 12നായിരുന്നു അപകടം. സഹപാഠിയുടെ വീട്ടില്‍ പോയി മടങ്ങുംവഴിയാണ് അപകടമുണ്ടായത്.
മൂന്നുപേരും സംഭവ സ്ഥലത്തു തന്നെ മരിച്ചു. അസ്മിതിന്റെ പിതാവ് അഷ്‌റഫ് ദുബായില്‍ റസ്റ്റോറന്റ് ബിസിനസ് നടത്തുകയാണ്. മാതാവ് ഹാജറ. സഹോദരങ്ങള്‍: അര്‍ഷദ്, അഫ്‌സല്‍, ഹാഷിര്‍, അജ് വദ്, ഫാത്തിമ.
Top