പേരോട് അബ്ദുൽ റഹ്മാൻ സഖാഫി യു എ ഇ പ്രസിഡൻറെ റംസാൻ അതിഥി

സ്വന്തം ലേഖകൻ

അബുദാബി :ഒരു മാസം നീണ്ടു നിൽക്കുന്ന റംസാൻ പ്രഭാഷണത്തിന് യു എ ഇ യിലെത്തുന്ന യു എ ഇ പ്രസിഡണ്ട് ശൈഖ് ഖലീഫ ബിൻ സായിദ് അൽ നഹ്യാൻറെ റംസാൻ അതിഥിയും സമസ്ത കേരള ജംഇയ്യത്തുൽ ഉലമ മുശാവറ അംഗവും,സുന്നി യുവജന സംഘം സംസ്ഥാന പ്രസിഡണ്ടുമായ പേരോട് അബ്ദുൽ റഹ്മാൻ സഖാഫി ഇന്ന് 5.6.2016 അബുദാബി രാജ്യാന്തര വിമാന താവളത്തിലെത്തും.മലയാളികളുടെ നേത്രത്വത്തിൽ പെരോടിന് അബുദാബി വിമാനത്താവളത്തിൽ ഇന്ന് സീകരണം നൽകും. യു എ ഇ യുടെ വിവിധ ഭാഗങ്ങളിൽ മലയാളിസമൂഹംപേരോടിന്റെ പ്രഭാഷണത്തിനായി വിപുലമായ ഒരുക്കങ്ങൾ നടത്തി കഴിഞ്ഞു .ആദ്യത്തെ പ്രഭാഷണം ജൂൺ ആറിന് നാളെ തറാവിഹ് നിസ്‌കാരത്തിന് ശേഷം മദീന സായിദ് ബിൻ ഹമൂദ മസ്ജിദിൽ നടക്കും. രണ്ടാമത്തെ പ്രഭാഷണം ജൂൺ ഏഴിന് ചൊവ്വാഴ്ച്ച രാത്രി തറാവിഴ് നിസ്‌കാരത്തിന് ശേഷം ജവാസാത്ത് റോഡിൽ അബ്ദുൽ ഖാലിക്ക് ഖൂരി മസ്ജിദിലും,തുടർന്ന് എട്ടിന് ബുധനാഴ്ച്ച അസർ നിസ്‌കാരത്തിന് ശേഷം മുഹമ്മദ് ബിൻ സായിദ് സിറ്റിയിലെ മസ്ജിദ് ശൈഖാ ഫാത്തിമയിലും,തറാവിഹ് നിസ്‌കാരത്തിന് ശേഷം ബനിയാസ് അബ്ദുല്ലബിൻ ഉമർ മസ്ജിദിലും,ഒമ്പതിന് വ്യഴാഴ്ച ളുഹറിനു ശേഷം റമാഹ് മസ്ജിദ് സഈദ് ബിൻ ഈസയിലും,പത്തിന് വെള്ളി ജുമുഅ നിസ്‌കാരത്തിനു ശേഷം മുസഫ ശാബിയ പത്തിൽ മസ്ജിദ് മുഹമ്മദുബിൻ ഖലീഫ ബിൻ സായിദിലുംപേരോട് പ്രഭാഷണം ചെയ്യും . ഒരു മാസം നീണ്ടു നില്കുന്ന പ്രഭാഷണം ഒരു ദിവസം മൂന്ന് സമയത്തെ നിസ്‌കാര സമയങ്ങളിലാണ് വിവിധ മസ്ജിദുകളി ൽ നടക്കുക.കഴിഞ്ഞ വർഷങ്ങളിലും പേരോട് അബ്ദുൽ റഹ്മാൻ സഖാഫി യു എ ഇ പ്രസിഡൻറെ റംസാൻ അതിഥിയായി റംസാൻ പ്രഭാഷണത്തിനായി എത്തിയിടുണ്ട് .ഇസ്ലാമിക പ്രഭാഷണ വേദിയിൽ ശ്രദ്ദേയനായ പേരോട് അബ്ദുൽ റഹ്മാൻ സഖാഫി ഇന്ത്യയിലും പുറത്തുമായി പതിനായിരക്കണക്കിന് വേദികളിൽ പ്രഭാഷണം നടത്തിയിടുണ്ട് .