പേരോടിന് അബുദാബിയിൽ സ്വീകരണം നൽകി

സ്വന്തം ലേഖകൻ

അബുദാബി: യു എ ഇ പ്രസിഡന്റ് ശൈഖ് ഖലീഫ ബിൻ സായിദ് അൽ നഹ്‌യാന്റെ റമസാൻ അതിഥിയായി യു എ ഇയിലെത്തിയ സമസ്ത കേരള ജംഇയ്യത്തുൽ ഉലമ മുശാവറ അംഗവും സുന്നീ യുവജന സംഘം പ്രസിഡന്റുമായ പേരോട് അബ്ദുർറഹ്മാൻ സഖാഫിക്ക് അബുദാബി വിമാനത്താവളത്തിൽ ഈഷ്മള സ്വീകരണം. യു എ ഇ മതകാര്യ വകുപ്പ് പ്രതിനിധികൾ, ഇന്ത്യൻ കൾച്ചറൽ ഫൗണ്ടേഷൻ ഭാരവാഹികൾ, രിസാല സ്റ്റഡി സെന്റർ സർക്കിൾ, ഭാരവാഹികൾ, അബുദാബിയിലെ വിവിധ മലയാളി കൂട്ടായ്മകൾ എന്നിവരുടെ നേതൃത്വത്തിലായിരുന്നു സ്വീകരണം.
പി വി അബൂബക്കർ മൗലവി, ഉസ്മാൻ സഖാഫി തിരുവത്ര, നൗഷാദ് സഖാഫി മുണ്ടക്കുറ്റി, ലത്വീഫ് ഹാജി, ഹംസ അഹ്‌സനി, സലാം മാസ്റ്റർ, ബശീർ ഹാജി, നാസർ മാസ്റ്റർ, സിദ്ദീഖ് പൊന്നാട്, സുബൈർ ബാലുശ്ശേരി എന്നിവർ പങ്കെടുത്തു.
തുടർന്നുള്ള ദിവസങ്ങളിൽ അബുദാബിയിലും രാജ്യത്തിന്റെ വിവിധ ഭാഗങ്ങളിലുമുള്ള നടക്കുന്ന റമസാൻ പ്രഭാഷണങ്ങളിൽ അദ്ദേഹം സംബന്ധിക്കും.