ഡബ്ലിന്‍: കോ ഡൌണിലെ ബാന്‍ബ്രൈഡില്‍ നിന്നു ഡ്രോമോറിലേയ്ക്കുള്ള എ1 ഡ്യൂവല്‍ ക്യാരിയേജ്‌ വേയില്‍ കാറൂകള്‍ കൂട്ടിയിടിച്ചു മൂന്നു പേര്‍ മരിച്ചു. കഴിഞ്ഞ ദിവസം വൈകിട്ട്‌ അഞ്ചരയോടെയായിരുന്നു സംഭവങ്ങള്‍. അമിത വേഗത്തില്‍ എത്തിയ രണ്ടുകാറുകള്‍ തമ്മില്‍ ദിശതെറ്റിയെത്തിയ ശേഷം ഇവിടെ വച്ചു കൂട്ടിയിടിക്കുകയായിരുന്നു. ബൈല്‍ഫാസ്റ്റില്‍ നിന്നു ഡബ്ലിനിലേക്കുള്ള പ്രധാന പാതയിലാണ്‌ അപകടം ഉണ്ടായതെന്നാണ്‌ ഇപ്പോള്‍ ഇവിടെ നിന്നുള്ള വൃത്തങ്ങള്‍ നല്‍കുന്ന പ്രധാന സൂചനകളില്‍ ഒന്ന്‌. അപകടത്തെ തുടര്‍ന്നു ഈ റോഡ്‌ അധികൃതര്‍ മണിക്കൂറുകളോളം അടച്ചിട്ടിരുന്നു. റോഡില്‍ തെന്നലുണ്ടാകുന്നതിനുള്ള സാധ്യതകളുണ്ടെന്നും അതുകൊണ്ടു തന്നെ ഇത്തരത്തില്‍ ഹൈവേകളില്‍ വാഹനം ഓടിക്കുന്ന ഡ്രൈവര്‍മാര്‍ ഇക്കാലത്ത്‌ പ്രത്യേകം ശ്രദ്ധിക്കണമെന്നും അദ്ദേഹം അറിയിച്ചു. ഇതേ തുടര്‍ന്നു പ്രദേശത്തു പ്രത്യേക നിരീക്ഷണത്തിനുള്ള നിര്‍ദേശങ്ങളും അധികൃതര്‍ നല്‍കിയിട്ടുണ്ട്‌. ഈ പ്രദേശത്തു വാഹനം ഓടിക്കുന്ന ഡ്രൈവര്‍മാര്‍ക്കുള്ള നിര്‍ദേശങ്ങളും അധികൃതര്‍ പുറത്തു വിട്ടിട്ടുണ്ട്‌.
Top