ക്രൈം ഡെസ്‌ക്
ബീമോൺ (ടെക്‌സസ്): ഹൈസ്‌കൂൾ വിദ്യാർഡഥിയെ ക്ലാസിൽ വച്ച് അടിച്ചു എന്ന കുറ്റത്തിനു മേരി ഹേസ്റ്റിങ് (63) എന്ന അധ്യാപികയെ അറസ്റ്റ് ചെയ്തു. ബീമോണ്ട് ഓസൺ ഹൈസ്‌കൂൾ അധ്യാപിക വിദ്യാർഥിയെ തലയ്ക്കു പുറകിൽ വിഡ്ഡി എന്നു വിളിച്ച് അടിക്കുന്ന വീഡിയോ ദൃശ്യം പൊലീസ് പുറത്തു വിട്ടിട്ടുണ്ട്.
വിദ്യാർഥിയെ മർദിച്ച സംഭവത്തിൽ ഹൈസ്‌കൂൾ അധ്യാപികയെ ഇന്ന് അരസ്റ്റ് ചെയ്ത വിവരം ജെഫർസൺ കൗണ്ടി ഷെറീഫ് ഓഫിസാണ് മാധ്യമങ്ങൾക്കു നൽകിയത്. അധ്യാപികയെ ഉടൻ ക്ലാസിൽ നിന്നു നീക്കം ചെയ്യുകയും അഡ്മിനിസ്‌ട്രേഷൻ ലിവിൽ പ്രവേശിപ്പിക്കുകയും ചെയ്തതായി ബീമോണ്ട് ഐഎസ്ഡി അധികൃതർ അറിയിച്ചു.
വിദ്യാർഥികളെ പീഡിപ്പിക്കുന്നത് യാതൊരു കാരണവശാലും അനുവദിക്കുകയില്ലെന്നും പഠനത്തിലുള്ള സുരക്ഷിതത്വം ഉറപ്പാക്കുമെന്നും സ്‌കൂൾ അധികൃതർ പറഞ്ഞു. അറസ്റ്റിലായ അധ്യാപികയ്ക്കു 2500 ഡോളർ ബോണ്ടിന്റെ ജാമ്യം അനുവദിച്ചിട്ടുണ്ട്. അധ്യാപികയെ അറസ്റ്റ് ചെയ്ത വിവരം സ്‌കൂൾ അധികൃതരും സ്ഥിരീകരിച്ചു.
Top