E.K.Salim
ദമ്മാം: എണ്‍പത്തിയാറാമത് സൗദി ദേശീയ ദിനത്തിന് ഐക്യദാര്‍ഢ്യം പ്രകടിപ്പിച്ച്‌ കൊണ്ട് ദമ്മാം റീജ്യണല്‍ ബ്ലഡ് ബാങ്കുമായി സഹകരിച്ച് ഒ ഐ സി സി ദമ്മാം റീജ്യണല്‍ കമ്മിറ്റിയുടെ ആഭിമുഖ്യത്തില്‍ നടത്തിയ രക്തദാന ക്യാമ്പ് ജനപങ്കാളിത്തം കൊണ്ട് ശ്രദ്ധേയമായി. രാവിലെ ഏഴ് മണിമുതല്‍ പന്ത്രണ്ട് മണിവരെ നടന്ന രക്തദാന ക്യാമ്പില്‍ ജുബൈല്‍, റഹീമ, സൈഹാത്, അല്‍ഖോബാര്‍, അല്‍ ഹസ്സ തുടങ്ങിയ സ്ഥലങ്ങളിലെ ഒ ഐ സി സി ഏരിയാ കമ്മിറ്റികളില്‍ നിന്നും വിവിധ ജില്ലാ കമ്മിറ്റികളില്‍ നിന്നും നിരവധിയാളുകള്‍ പങ്കെടുത്തു. ഒ ഐ സി സി ദമ്മാം റീജ്യണല്‍ കമ്മിറ്റി ജീവകാരുണ്യ വിഭാഗം കണ്‍വീനര്‍ നിസ്സാര്‍ മാന്നാര്‍ ആദ്യ രക്തദാനം നല്‍കി ക്യാമ്പിന് തുടക്കം കുറിച്ചു.
രാവിലെ മുതല്‍ രക്തദാനത്തിനെത്തിയവരുടെ നീണ്ടനിര ബ്ലഡ് ബാങ്ക് അധികൃതരുടെ പ്രശംസ പിടിച്ചുപറ്റി. ഗ്ലോബല്‍ കമ്മിറ്റി വൈസ് പ്രസിഡണ്ട് അഹമ്മദ് പുളിക്കല്‍, റീജ്യണല്‍ കമ്മിറ്റി പ്രസിഡണ്ട് ബിജു കല്ലുമല എന്നിവര്‍ രക്തദാന ക്യാമ്പയിന് നേതൃത്വം നല്‍കി. ജീവകാരുണ്യ വിഭാഗം സെക്രട്ടറി മമ്മൂട്ടി പട്ടാമ്പി, സി.അബ്ദുല്‍ ഹമീദ്, ചന്ദ്രമോഹന്‍, ഇ.കെ.സലിം, റഫീഖ് കൂട്ടിലങ്ങാടി, ശിഹാബ് കായംകുളം, റഷീദ് ഇയ്യാല്‍, സക്കീര്‍ ഹുസൈന്‍, പി.കെ.അബ്ദുല്‍ കരീം, നബീല്‍ നെയ്തല്ലൂര്‍, അബ്ബാസ് തറയില്‍, അഡ്വ:നൈസാം നഗരൂര്‍, ഇ.എം.ഷാജി, എസ്.എം.സാദിഖ്, ജി.പി.രാജേഷ്, ബിനു പുരുഷോത്തമന്‍, സക്കീര്‍ പറമ്പില്‍, ലാല്‍ അമീന്‍, ബാബുസ്സലാം, സി.ടി.ശശി, ഹമീദ് കാണിച്ചാട്ടില്‍, നജീബ് നസീര്‍, ഹമീദ് മരക്കാശ്ശേരി, മുഹമ്മദ് ഷാനി, ജമാല്‍ സി മുഹമ്മദ്, ജബ്ബാര്‍ കോഴിക്കോട്, ഷിനോജ് കോഴിക്കോട്, ഡിജോ പഴയമഠം എന്നിവര്‍ സംഘാടകരായി പ്രവര്‍ത്തിച്ചു.
Top