ഡാള്ളസിൽ ചിരിയരങ്ങ്: ഇന്ന് വൈകിട്ട് 3.30 ന്

പി.പി ചെറിയാൻ

ഡാള്ളസ്: ഡാള്ളസ് – ഫോർട്ട്വർത്ത് മലയാളികൾ ഒത്തു ചേർന്നു ചിരിയുടെ മാലപ്പടക്കത്തിനു തിരികൊളുത്തുന്നു. വൈകിട്ട് 3.30നൂ കേരള അസോസിയേഷൻ ഓഫ് ഡാള്ളസാണ് അസോസിയേഷൻ കോൺഫറൻസ് ഹാളിൽ പരിപാടിയ്ക്കു തുടക്കമിട്ടിരിക്കുന്നത്. കൃത്യ സമയത്തു തന്നെ പരിപാടികൾ ആരംഭിക്കുമെന്നു അസോസിയേഷൻ ഭാരവാഹികൾ അറിയിച്ചു.
ജോസ് ഓച്ചാലിൽ, പി.ടി സെബാസ്റ്റ്യൻ എന്നിവരുടെ നേതൃത്വത്തിൽ സംഘടിപ്പിക്കുന്ന ചിരിയരങ്ങിലേയ്ക്കു ഏവരെയും സ്വാഗതം ചെയ്യുന്നതായി കേരള അസോസിയേഷൻ ജനറൽ സെക്രട്ടറി റോയ് കൊടുവത്ത് അറിയിച്ചു.
ഓരോ വർഷവും ചിരിയരങ്ങിൽ പങ്കെടുക്കുന്നവരുടെ എണ്ണം വർധിച്ചു വരുന്നതായി റോയി പറഞ്ഞു. പരിപാടിയിൽ പങ്കെടുക്കാൻ ആഗ്രഹിക്കുന്നവർ ജോസ് ഓച്ചാലിൽ (469 363 5642), പി.ടി സെബാസ്റ്റ്യൻ (214 435 5407) എന്നിവരെ ബന്ധപ്പെടേണ്ടതാണ്. പ്രവേശനം സൗജന്യം.