ദമ്മാം: “പുതിയ ഒരിന്ത്യ പുതിയ കേരളം മാറ്റത്തിനായി പ്രവാസിയും” എന്ന മുദ്രാവാക്യം ഉയർത്തിക്കൊണ്ട് നവോദയ സാംസ്ക്കാരിക വേദി ദമ്മാം ടൌൺ ഏരിയായ്ക്കു കീഴിലുള്ള പോർട്ട്‌ മേഖലയിലെ പോർട്ട്‌ യുണിറ്റിൽ പ്രവാസി സംഗമം നടത്തി. നവോദയ കേന്ദ്ര കമ്മിറ്റി സെക്രട്ടറി സൈനുദ്ദീൻ ഉത്ഘാടനം ചെയ്തു.
അഴിമതിമുക്ത, മതനിരപേക്ഷ, വികസിത കേരളത്തിനായ് ഇടതുപക്ഷ സർക്കാരിനെ കേരളത്തിൽ അധികാരത്തിൽ എത്തിക്കുവാൻ പ്രവാസി സമൂഹം പ്രതിജ്ഞാബദ്ധമെന്ന് സംഗമം ആഹ്വാനം ചെയ്തു. നൂറുകണക്കിന് പ്രവാസികൾ ആവേശത്തോടെ പങ്കെടുത്ത സംഗമത്തിൽ മുസ്തഫ അഞ്ചങ്ങാടി ആദ്യക്ഷത വഹിച്ചു. ഉണ്ണി ഏങ്ങണ്ടിയൂർ, അജയ് ഇല്ലിച്ചിറ, സുദർശനൻ വർക്കല, ശ്രീകുമാർ വള്ളികുന്നം,ശ്രീകണ്ടൻ എന്നിവർ പ്രസംഗിച്ചു. സെക്രട്ടറി ബിജു തോമസ്‌ പ്രവര്ത്തന റിപ്പോർട്ടും, സുരേഷ് അനുശോചന പ്രമേയവും അവതരിപ്പിച്ചു. ഷെരീഫ് തേക്കട സ്വാഗതവും ബഷീർ. പി നന്ദിയും രേഖപ്പെടുത്തി.
ദമ്മാം പോർട്ട്‌ യുണിറ്റിൽ നവോദയ പ്രവാസി സംഗമം നവോദയ കേന്ദ്ര കമ്മിറ്റി സെക്രട്ടറി സൈനുദ്ദീൻ ഉത്ഘാടനം ചെയ്യുന്നു.
Top