യുവ ഗായകരെ തേടി ഫൊക്കാന സ്റ്റാർ സിംഗ്ർ 

നോർത്ത് അമേരിക്കൻ മലയാളികളുടെ കലാ സാംസ്കാരിക സ്പന്ദനങ്ങൾ തൊട്ടറിയുന്ന ഫോക്കാന യുവ ഗായകരെ പ്രോത്സാഹിപ്പിക്കാൻ ഫൊക്കാന സ്റ്റാർ സിംഗ്ർ പ്രോഗ്രാമും ആയി എത്തുന്നു .കഴിവുള്ള യുവ  തലമുറയിലെ പ്രതിഭകളെ അവസരങ്ങളുടെ ലോകത്തേക്ക് കൈ പിടച്ചു ഉയർത്തുവാനായ്  ഉള്ള ഫൊക്കാനയുടെ  തുടർച്ചയായുള്ള ശ്രമങ്ങളുടെ ഭാഗം ആണ് “ഫൊക്കാന സ്റ്റാർ സിംഗ്ർ ” എന്ന്  പ്രശസ്ത ഗായകനും പ്രോഗ്രാമിന്റെ നാഷണൽ കോ ഓഡിനെറ്റൊറും ആയ  ശ്രി ശബരിനാഥ് അഭിപ്രായപ്പെട്ടു .  ഒരു മത്സരം നടത്തി സമ്മാനങ്ങൾ നൽകി വിജയികളെ പ്രഖ്യാപിക്കുന്ന സാമ്പ്രദായിക രീതികളിൽ നിന്ന് വേറിട്ടാണ് ഫൊക്കാന സ്റ്റാർ സിംഗ്ർ ലക്ഷ്യവും പ്രവർത്തനങ്ങളും . സമ്മാനങ്ങൽക്കും പുരസ്കാരങ്ങൾക്കും പുറമേ ഫൈനൽ റൌണ്ടിൽ എത്തുന്ന മത്സരാർഥി കളെ പ്രമുഖ ചലച്ചിത്ര സംഗീത സംവിധായകരുടെ മുന്നിൽ അവതരിപ്പിക്കുകയും അവരിൽ പ്രതിഭ തെളിയുക്കുന്നവർക്ക് പുതിയ ചലച്ചിത്ര സംഗീത മേഘലകളിൽ പാടാൻ ഫൊക്കാന  അവസരം ഒരുക്കുന്നു . അങ്ങനെ നമ്മുടെ യുവാക്കളുടെ  സംഗീത സ്വപ്നങ്ങള്ക്ക് എല്ലാ വിധ പ്രോത്സാഹനവും നല്കി  കഴിവുറ്റ ഗായകരെ വളർത്തി എടുക്കാൻ ആണ് ഫോക്കാന ശ്രമിക്കുന്നത് .

ഫൊക്കാന സ്റ്റാർ സിങ്ങറിൽ 16 വയസിൽ താഴെയുള്ളവർക്കും 17 വയസിൽ മുകളിൽ ഉള്ളവര്ക്കും ആയി പ്രത്യേകം ആയിട്ടായിരിക്കും മത്സരങ്ങൾ നടത്തുക . അമേരിക്കയിൽ നടത്തുന്ന ആദ്യ റൌണ്ട്   റീജിയണൽ  മത്സരങ്ങളിൽ നിന്നും തിരഞ്ഞെടുക്കപ്പെടുന്ന വിജയികൾ 2016 ജൂലായിൽ കാനഡ യിൽ നടക്കുന്ന ഫോക്കാന കൺവെൻഷനിൽ ഫൈനൽ റൌണ്ടിൽ മത്സരിക്കും . മലയാള ചലച്ചിത്ര സംഗീത സംവിധായകരും പിന്നണി ഗായകരും അടങ്ങുന്ന ഒരു വലിയ ജൂറി മത്സരങ്ങൾ വിലയിരുത്തും .

ഫൊക്കാന ഒരുക്കുന്ന ഈ സംഗീത സാധ്യതകൾ നോർത്ത് അമേരികയിലെ യുവ ഗായകർ പരമാവധി പ്രയോജനപ്പെടുത്തണം എന്ന് ഫൊക്കാന ജനറൽ സെക്രടറി ശ്രി വിനോദ് കെയർകെയും ,പ്രസിഡന്റ്‌ ശ്രി ജോൺ പി ജോണും സംയുക്ത പ്രസ്താവനയിൽ അറിയിച്ചു .

 ഫൊക്കാന സ്റ്റാർ സിംഗ്ർ ഫൈനൽ മത്സരങ്ങൾക്കായ്‌  വന്പിച്ച സജീകരണം  ആണ് കാനഡയിൽ  ഒരുക്കുന്നത് എന്നു ഫൊക്കാന  സ്റ്റാർ സിംഗ്ർ  കാനഡ കോ ഓഡിനെറ്റൊർ ശ്രി ബിജു കട്ടത്തറ  വ്യക്തമാക്കി . യുവ ഗായകരുടെ ഒരു  സംഗീത മാമാങ്കത്തിന് ഫോക്കാന തുടക്കം ഇടുന്നു —  ഫൊക്കാന സ്റ്റാർ സിംഗ്ർ . കൂടുതൽ വിവരങ്ങൾക്ക്  [email protected] എന്ന email വിലാസത്തിൽ ബന്ധപ്പെടുക .