ഹൂസ്റ്റണിൽ ഗാന്ധി ജയന്തി ആഘോഷം ഒക്ടോബർ രണ്ടിന്; ഡിസിസി പ്രസിഡന്റ് മോഹൻ രാജ് മുഖ്യാതിഥി

പി.പി ചെറിയാൻ

ഹൂസ്റ്റൺ: ഇന്ത്യൻ നാഷണൽ ഓവർസീസ് കോൺഗ്രസ് ടെക്‌സാസ് ചാപ്റ്ററിന്റെ നേതൃത്വത്തിൽ ഹൂസ്്റ്റണിൽ ഗാന്ധിജയന്തി ആഘോഷിക്കുന്നു. മലയാളി അസോസിയേഷൻ ഓഫ് ഗ്രേറ്റർ ഹൂസ്്റ്റണിന്റെ ആസ്ഥാനമായ കേരള ഹൗസിൽ ഒക്ടോബർ രണ്ടിനു ഞായറാഴ്ച വൈകിട്ട് അഞ്ചു മണിക്കാണ് സമ്മേളനം.
ഹൃസ്വസദർശനാർത്ഥം അമേരിക്കയിൽ എത്തിച്ചേർന്നിരിക്കുന്ന പത്തനംതിട്ട ജില്ലാ കോൺഗ്രസ് കമ്മിറ്റി പ്രസിഡന്റ് പി.മോഹൻരാജ് യോഗത്തിൽ മുഖ്യാതിഥിയായി പങ്കെടുക്കും. 2007 മുതൽ ഡിസിസി പ്രസിഡന്റായി പത്തനംതിട്ടയിൽ പ്രവർത്തിക്കുന്ന മോഹൻരാജ് ജില്ലയിലെ കോൺഗ്രസിന്റെ പ്രധാന നേതാക്കളിൽ ാെരാളാണ്. 1996 മുതൽ 2001 വരെ പത്തനംതിട്ട നഗരസഭ ചെയർമാനായും പ്രവർതതിച്ചുണ്ട്.
ഗാന്ധിജയന്തി ദിനാഘോഷ പരിപാടികളിലേയ്ക്കു എല്ലാ കോൺഗ്രസ് പ്രവർത്തകരെയും സ്വാഗതം ചെയ്യുന്നതിനൊപ്പം പത്തനംതിട്ടയിലെ പ്രവർത്തകർക്കു മോഹൻരാജിനെ സ്വീകരിക്കുന്നതിനും അവസരം ഉണ്ടായിരിക്കുന്നതാണ്.