സ്വന്തം ലേഖകൻ
ന്യൂയോർക്ക്: ആത്മീയ ചൈതന്യം നിറഞ്ഞു തുളുമ്പുന്ന ഭക്തി നിർഭരവും ശ്രുതിമധുരവുമായ ഗാനങ്ങൾ കോർത്തിണക്കി തയ്യാറാക്കി തയ്യാറാക്കിയ സ്വർഗ സന്തോഷം എന്ന ആൽബത്തിന്റെ പ്രകാശന കർമം കിഡ്‌നി ഫെഡറേഷൻ ഓഫ് ഇന്ത്യ ചെയർമാൻ ഫാ.ഡേവിസ് ചിറമ്മൽ നിർവഹിച്ചു.
മാർച്ച് 12 ശനിയാഴ്ച വൈകിട്ട് ന്യൂയോർക്ക് ടൈസൺ സെന്ററിൽ നടന്ന ലളിതമായ ചടങ്ങിൽ ഇന്ത്യ പ്രസ്‌ക്ലബ് ഓപ് നോർത്ത് അമേരിക്കാ പ്രസിഡന്റ് ശിവൻ മുഹമ്മയിൽ നിന്നും സ്വർഗ സന്തോഷം ആൽബം സ്വീകരിച്ചാണ് ഫാ.ചിറമ്മൽ പ്രകാശനം നടത്തിയത്.
ന്യൂയോർക്കിലെ മലയാളികൾക്കു സുപരിചിതമായ പ്രശസ്ത ഗായകൻ ഷാജു എം.പീറ്ററാണ് ഈ സംഗീത ആൽബം തയ്യാറാക്കിയത്. സുപ്രസിദ്ധ സിനിമാ പിന്നണി ഗായിക സുജാത, കെസ്റ്റർ, ഫാ.ജോൺസൺ വർഗീസ്, നിലമ്പൂർ കാർത്തികേയൻ, ആശാ ജി.മേനോൻ, രാധിക തിലക്, രാജലക്ഷ്മി, രമേശ് മുരളി എന്നിവരാണ് സംഗീത ആൽബത്തിൽ ഗാനങ്ങൾ ആലപിച്ചിരിക്കുന്നത്.
ആൽബത്തിന്റെ വിൽപനയിൽ നിന്നും ലഭിക്കുന്ന അധികവരുമാനം കേരളത്തിലെ സാധുസംരക്ഷണ പ്രവർത്തനങ്ങൾക്കായി നൽകണമെന്നു ഷാജി പീറ്റർ പറഞ്ഞു. ചടങ്ങിൽ ഐപിസിഎൽഎ ജനറൽ സെക്രട്ടറി ഡോ.ജോർജ് കാക്കനാട്ട്, ട്രഷറർ ജോസ് കടാപുറം എന്നിവർ പ്രസംഗിച്ചു.
Top