സൂപ്പർ ഹിറ്റ് ഗാനങ്ങളുമായി ഹാർട്ട് ബീറ്റ്‌സ് 25 ന്

ജോൺസൺ ചെറിയാൻ.

അറ്റ്‌ലാൻറ : ഇന്ത്യാ ക്യാമ്പസ് ക്രൂസേഡിൻറെ ദേശീയ സംഗീത വിഭാഗമായ ഹാർട്ട്ബീറ്റ്‌സ് ഒക്ടോബർ മാസം 25ആം തീയതി വരെ അമേരിക്കയിൽ വിവിധ സ്ഥലങ്ങളിലായി ഗാന ശുശ്രൂഷ നടത്തി വരുന്നു.

എഴുപതുകൾ, എൺപതുകൾ തുടങ്ങിയ കാലഘട്ടങ്ങളിൽ കേരളത്തിൽ പഠിച്ചിട്ടുള്ള ഒരു മലയാളി പോലും ഹാർട്ട്ബീറ്റ്‌സിൻറെ ഗാനങ്ങൾ ശ്രവിക്കാതിരുന്നിട്ടില്ല.

ഹാർട്ട്ബീറ്റ്‌സ് 13 ഇന്ത്യൻ ഭാഷകളിലും കൂടാതെ ഇംഗ്ലീഷിലും ഗാനങ്ങൾ ആലപിക്കുന്നുണ്ട്. 1976ൽ ആരംഭിച്ച ഈ ഗ്രൂപ്പ് ഇന്ന് 40 വർഷങ്ങൾക്കു ശേഷവും അനുഗ്രഹകരമായ ശുശ്രൂഷ നടത്തി വരുന്നു.

32 വോളിയം സിഡികളിലായി 300 ലധികം ഗാനങ്ങൾ ഹാർട്ട്ബീറ്റ്‌സിന് സ്വന്തമായിട്ടുണ്ട്. ഇതിനോടകം 4500 സ്റ്റേജുകളിലായി 42 ലക്ഷം ആളുകളിലേക്ക് കടന്നു ചെന്നിട്ടുണ്ട്. ലോകത്തിലെ വിവിധ രാജ്യങ്ങളിൽ ഹാർട്ട്ബീറ്റ്‌സ് പരിപാടികൾ അവതരിപ്പിച്ചു കൊണ്ടിരിക്കുന്നു.

ഈ മാസം 17ആം തീയതി ശനിയാഴ്ച വൈകിട്ട് 7 മണിക്ക് അറ്റ്‌ലാൻറയിലുള്ള ഗുഡ്‌സാമരിറ്റൻ ചർച്ചിൽ വെച്ച് ഹാർട്ട്ബീറ്റ്‌സിൻറെ ഗാനശുശ്രൂഷ നടത്തപ്പെടുന്നതാണ്. ( 711 david road, lawrenceville, GA 30046)

അറ്റ്‌ലാൻറയിലുള്ള എല്ലാ മലയാളികളെയും ഈ പരിപാടിയിലേക്ക് ഹാർദ്ദവമായി ക്ഷണിക്കുന്നു. കൂടുതൽ വിവരങ്ങൾക്ക്:

ജിജോ തോമസ്. 770 771 8282.

ജേക്കബ് സാമുവൽ. 937 239 0673

ടൈറ്റസ് സാമുവൽ. 443 803 6065.

സ്റ്റീവ് തോമസ്. 404 748 8935.