ജയപ്രകാശ് നായർ
ന്യൂയോർക്ക്: മൂന്നര പതിറ്റാണ്ടിലേറെയായി റോക്ക്‌ലാൻഡിലെ മലയാളികളുടെയിടയിൽ പ്രവർത്തിച്ചുവരുന്ന ഹഡ്‌സൺവാലി മലയാളി അസോസിയേഷൻ സെപ്റ്റംബർ 3 ശനിയാഴ്ച രാവിലെ പത്തു മണി മുതൽ റോക്ക്‌ലാൻഡ് സ്റ്റേറ്റ് പാർക്കിൽ വച്ച് വാർഷിക പിക്‌നിക് നടത്തുകയുണ്ടായി. പ്രസിഡന്റ് അലക്‌സാണ്ടർ പൊടിമണ്ണിൽ സ്വാഗതം ആശംസിക്കുകയും പിക്‌നിക് ഔപചാരികമായി ഉദ്ഘാടനം ചെയ്യുകയും ചെയ്തു.
വിവിധതരം ഭക്ഷണ സാധനങ്ങളോടൊപ്പം നാടൻ തട്ടുകടയും സജ്ജീകരിച്ചിരുന്നു. വൈവിധ്യമാർന്നതും രുചികരവുമായ ഭക്ഷണ പാനീയങ്ങൾ ശേഖരിക്കുന്നതിനും പാചകം ചെയ്യുന്നതിനും നേതൃത്വം കൊടുത്തത് മത്തായി പി.ദാസ്, ചെറിയാൻ ഡേവിഡ്, രാജു യോഹന്നാൻ എന്നിവരായിരുന്നു.
വാശിയേറിയ വടംവലി, വിവിധതരം കായിക മത്സരങ്ങൾ എന്നിവ പിക്‌നിക്കിന് കൊഴുപ്പേകി. പ്രായവ്യത്യാസം അനുസരിച്ചു് പല കായികയിനങ്ങളിലായി മത്സരങ്ങൾ നടത്തി വിജയികളെ കണ്ടെത്തിയത് ലൈസി അലക്‌സ്, അലക്‌സ് തോമസ്, ഷാജിമോൻ വെട്ടം എന്നിവരാണ്.
പിക്‌നിക്ക് വിജയിപ്പിക്കുവാൻ പരിശ്രമിച്ചവരിൽ പോൾ ആന്റണി, ജെയിംസ് ഇളംപുരയിടത്തിൽ, ഇന്നസെന്റ് ഉലഹന്നാൻ, റോയ് ആന്റണി, ഷാജിമോൻ വെട്ടം, ബിനു പോൾ എന്നിവരാണ് പ്രധാനികൾ.
പിക്‌നിക്കിൽ പങ്കെടുത്തവരെല്ലാം തന്നെ വളരെ സംതൃപ്തിയോടെയാണ് മടങ്ങിയത്. അഞ്ചു മണിയോടെ പിക്‌നിക്ക് അവസാനിച്ചു.
Top