ഹ്യൂസ്റ്റൺ: ചലച്ചിത്ര ടെലിവിഷൻ രംഗത്തെ പുതിയ തലമുറയിലെ ഏറ്റവും കഴിവുറ്റ കലാപ്രതിഭകൾ മാറ്റുരയ്ക്കുന്ന സംഗീത നൃത്ത ഹാസ്യ കലാവിരുന്ന് ‘വൈശാഖസന്ധ്യ 2016’, MEA Houston, Malayali FM എന്നിവരുടെ സംയുത ആഭിമുഖ്യത്തിൽ നടത്തപ്പെടുന്നു.
ഈ ദൃശ്യവിസ്മയത്തിന് വേദിയൊരുങ്ങുന്നത് ഹ്യൂസ്റ്റൺ സ്റ്റഫോർഡ്‌ ഇമ്മാനുവേൽ സെന്റർ ഓഡിറ്റോറിയത്തിലാണ്. ഏപ്രില്‍ 10 ന് ഞായറാഴ്ച വൈകീട്ട് 4:30 നാണ് മെഗാഷോ അരങ്ങേറുക.
ചുരുങ്ങിയ കാലം കൊണ്ട് മലയാളികളുടെ മനസിൽ ഇടംപിടിച്ച ജനപ്രിയ യുവഗായകൻ, ഏതൊരു മലയാളിയും ചുണ്ടിൽ മൂളാൻ കൊതിക്കുന്ന ഒരുപിടി നല്ല ഗാനങ്ങൾ മലയാളികൾക്ക് സമ്മാനിച്ച, ‘പോകാതെ….കരിയിലക്കാറ്റേ…’ എന്ന ഗാനം പാടി മലയാളികളുടെ മനസിൽ ചേക്കേറിയ മൈലാഞ്ചി ഗായകൻ അഫ്‌സൽ, ഐഡിയ സ്റ്റാർ സിംഗർ വിജയിയും, തന്റെ മാന്ത്രിക വിരലുകളാൽ വയലിനിൽ സംഗീത പ്രപഞ്ചം സൃഷ്ടിക്കുന്ന ഗായകൻ വിവേകാനന്ദ്, പ്രമുഖ പിന്നണി ഗായിക അഖില ആനന്ദ്, ഡി ഫോർ ഡാൻസ് എന്ന മഴവിൽ മനോരമയുടെ റിയാലിറ്റി ഷോയിലൂടെ അവതാരകനായി എത്തി മലയാളികളുടെ സ്വന്തം ജി.പി.യായി മാറിയ ഗോവിന്ദ് പത്മസൂര്യ (ജി.പി.), ഫാസിലിന്‍റെ ലിവിംഗ് ടുഗതറിലൂടെ നായകനായെത്തി ഡോ.ലവ്, ചട്ടക്കാരി എന്നീ സിനിമകളിലൂടെ തന്റെ അഭിനപാടവം തെളിയിച്ച ഹേമന്ദ് മേനോൻ, എന്നിവർക്കൊപ്പം അല്‍ ഫോൻസാമ്മ എന്ന സീരിയലിലൂടെ മാതാവായെത്തി, ചേട്ടായീസ് എന്ന സിനിമയിലൂടെ മലയാള സിനിമ നായികാ പദവിയിലേക്കെത്തി ചുരുങ്ങിയ കാലം കൊണ്ട് മോഹൻലാലിനൊപ്പം മിസ്റ്റർ ഫ്രോഡിലിലും, ഗ്രാന്റ് മാസ്റ്ററിലും, കുഞ്ചാക്കോബോബനോടൊപ്പം വിശുദ്ധനിലും, ജയറാം നായകനായ സലാം കാശ്മീരിലും, ദിലീപിനൊപ്പം റിങ്ങ് മാസ്റ്ററിലും, പ്രിഥ്വി രാജിനൊപ്പം അനാർക്കലിയിലും, ദിനേശ് നായകനായ ഒരു നാള്‍ കൂത്തിലും (തമിഴ്) നായികയായി അഭിനയ പാടവം തെളിയിച്ച്, മലയാള തമിഴ് സിനിമ ലോകത്തെ വിസ്മയിപ്പിച്ച യുവ നായിക മിയ ജോർജ്, സിനിമയിലും മിനിസ്‌ക്രീനിലും കോമഡി വേഷങ്ങൾ അനായാസം കൈകാര്യം ചെയ്യുന്ന പ്രശസ്ത സിനിമാതാരം, അടുത്ത കാലത്ത് ഹിറ്റ് മൂവികളായ സത്യൻ അന്തിക്കാടിന്‍റെ ഒരു ഇന്ത്യൻ പ്രണയ കഥ, ജീത്തു ജോസഫിന്റെ ലൈഫ് ഓഫ് ജോസൂട്ടി എന്നീ സിനിമകളിലൂടെ പ്രേക്ഷകരുടെ പ്രിയ താരമായി മാറിയ കൃഷ്ണ പ്രഭ, മിമിക്രി കലാരംഗത്തെ കുലപതിമാരിർ കോമഡി രംഗത്ത് വേറിട്ട അവതരണശൈലിയുമായെത്തിയ കലാഭവൻ പ്രദീപ് ലാൽ, പ്രശാന്ത് കാഞ്ഞിരമറ്റം (ജഗതിമയം ഫെയിം) എന്നിവർ ചേർന്ന് ചിരിയുടെ മാമാങ്കത്തിന് തിരികൊളുത്തുന്നു.
തത്സമയ വാദ്യ മേളങ്ങളുടെ അകമ്പടിയോടെ അരങ്ങേറുന്ന വൈശാഖസന്ധ്യയിൽ കേരളത്തിലെ പ്രമുഖ കീബോർഡു പ്ലെയർ ലിജോ ലീനോസ്, തബലിസ്റ്റ് സന്ദീപ് എന്നിവർക്കൊപ്പം അമേരിക്കയിൽ നിന്നുമുള്ള പ്രമുഖ വാദ്യ മേള വിദഗ്ദ്ധരും പങ്കെടുക്കും. വൈശാഖസന്ധ്യ 2016 ന്റെ ശബ്ദ നിയന്ത്രണം പ്രശസ്ത സൗണ്ട് എഞ്ചിനിയർ കെ.ടി ഫ്രാൻസിസ് ആയിരിക്കും.
പ്രൊഫഷണലിസത്തിന്റെ മികവും നൂതന സാങ്കേതികവിദ്യകളുടെ സമന്വയവും, അവതരണത്തിന്റെ വ്യത്യസ്തതയും കൊണ്ട് ഒട്ടേറെ പുതുമകളാണ് സെവൻ സീസ് എന്റർറ്റൈന്‍മെന്റ് ബാനറില്‍ എത്തുന്ന ‘വൈശാഖസന്ധ്യ 2016’ ലൂടെ കാഴ്ച വെയ്ക്കുന്നത്. ഷോയുടെ മീഡിയ സ്‌പോണ്‍സർ മലയാളി എഫ്.എം ആണ്.
കൂടുതൽ വിവരങ്ങള്‍ക്കും, ടിക്കറ്റിനും ബന്ധപ്പെടുക :
For more information / Tickets, Please contact: Malayali FM: Viju 832-785-5442 , Rinesh 832-949-7278 MEA: Sudhir 281-839-9024 Shiny 281-352-1289 Abhijit 281-387-2097
Please let me know if you have any questions. Have a great day.
Thank you ,
Top