ചിക്കാഗോ: ഇന്ത്യാ പ്രസ്ക്ലബ് ഓഫ് നോര്‍ത്ത് അമേരിക്കയുടെ ഈ വര്‍ഷത്തെ മാധ്യമശ്രീ അവവാര്‍ഡിനു ചിക്കാഗൊയില്‍ നിന്ന് ആദ്യ
സ്‌പൊണ്‍സര്‍. നവംബര്‍ 19നു ഹൂസ്റ്റണില്‍ വച്ച് നല്‍കുന്ന മാധ്യമ ശ്രീ പുരസ്കാരത്തിനുള്ള അനുമോദന കുറിപ്പായി ജയ്‌മോന്‍
നന്തികാട്ടിലിന്റെ സ്‌പൊണ്‍സര്‍ഷിപ്പ്.
മാധ്യമ രംഗവുമായി അടുത്ത ബന്ധം പുലര്‍ത്തുന്ന ജയ്‌മോന്‍ റീട്ടെയില്‍ പെട്രോളിയം ബിസിനസ് രംഗത്തു പ്രവര്‍ത്തിക്കുന്നു. ബിസിനസുകാരനായിരിക്കുമ്പോള്‍ തന്നെ അറിവിന്റെയും വായനയുടെയും വാതായനങ്ങള്‍ തുറന്നിട്ടിരിക്കുന്ന ജയ്‌മോന്‍ സാമൂഹിക സാംസ്കാരിക രംഗത്തും സജീവം.
എല്ലായിപ്പോഴും സാമൂഹ്യനീതിക്കും , കമ്യൂണിറ്റിയുടെ പുരോഗതിക്കും ,കാരുണ്യ
ത്തിനും ഊന്നല്‍ നല്‍കുന്ന ജെയ്‌മോന്‍റെ ഈ
സ്‌പോണ്‍സര്‍ഷിപ് പ്രസ് ക്ലബ് ആദരപൂര്‍വം സ്വീകരിക്കുന്നതായി പ്രസിഡന്റ് ശിവന്‍ മുഹമ്മ, സെക്രട്ടറി ഡോ. ജോര്‍ജ് കാക്കനാട്ട് എന്നിവര്‍ അറിയിച്ചു.
മറ്റു പല സംഘടനകളില്‍ നിന്നും വ്യത്യസ്ഥമായിപണത്തിന്റെ സ്രോതസും സ്‌പോണ്‍സറുടെ വിവരവും പ്രസ് ക്ലബ് എക്കാലവും പ്രസിദ്ധപ്പെടുത്തിയിട്ടുണ്ട്. മാധ്യമ രമഗത്തെ സുതാര്യതക്ക് അതാവശ്യമാണെന്നുഞങ്ങള്‍ കരുതുന്നു.ഈ വര്‍ഷത്തെ മാധ്യമ ശ്രീ അവാര്‍ഡിനു തെരെഞ്ഞെടുത്തിരിക്കുന്നത് മാധ്യമ രംഗത്തു വിവിധ മേഖലകളില്‍ നൂതനമായ വഴിത്താരകള്‍ തുറന്ന പ്രമുഖ മാധ്യമ പ്രവര്‍ത്തകയും ഇപ്പോള്‍ ആറന്മുള എം.എല്‍.എയുമായ വീണാ
ജോര്‍ജിനെയാണ്. ഒരു ലക്ഷം രൂപ, ശില്പം, അമേരിക്കന്‍ പര്യടനം എന്നിവ അടങ്ങുന്നതാണ് അവാര്‍ഡ്. പുരസ്കാര ചടങ്ങ് വിജയിപ്പിക്കാന്‍ ശിവന്‍ മുഹമ്മ, ജോര്‍ജ് കാക്കനാട്ട്, ട്രഷറര്‍ ജോസ് കടാപ്പുറം, വൈസ് പ്രസിഡന്റ് രാജു പള്ളത്ത്, ഹൂസ്റ്റണ്‍ ചാപ്ടര്‍ പ്രസിഡന്റ് അനില്‍ ആറന്മുള എന്നിവരുടെ നേത്രുത്വത്തിലുള്ള കമ്മിറ്റി
പ്രവര്‍ത്തിക്കുന്നു.
വിവരങ്ങള്‍ക്ക്: ശിവന്‍ മുഹമ്മ: 6305630436; ജോര്‍ജ് കാക്കനാട്ട് -2817238520; അനില്‍ ആറന്മുള- 7138827272
Top