അയർലൻഡിൽ ഫസ്റ്റ് ഹോം സ്‌കീമിൽ പ്രോപ്പർട്ടി വില വർദ്ധിപ്പിച്ചു; പദ്ധതി പുതുതായി നിർമ്മിച്ച വീടുകൾ ആദ്യമായി വാങ്ങുന്നവരെ ലക്ഷ്യമിട്ട്

ഡബ്ലിൻ: രാജ്യത്ത് പുതുതായി നിർമ്മിച്ച വീടുകൾ ആദ്യമായി വാങ്ങുന്നവരെ ലക്ഷ്യമിട്ട് പുതിയ പദ്ധതിയുമായി അധികൃതർ. അയർലണ്ടിലെ ഓരോ കൗണ്ടിക്കും ഫസ്റ്റ് ഹോം സ്‌കീമിന് കീഴിലുള്ള പരമാവധി പ്രോപ്പർട്ടി വില പരിധി വർധിപ്പിച്ചതോടെയാണ് ഇത്. ഗവൺമെന്റിന്റെ എല്ലാവർക്കുമായുള്ള ഭവന പദ്ധതിയിലെ പ്രധാന സംരംഭങ്ങളിലൊന്നായ ഈ പദ്ധതി, ഒരു മൈനൊരിറ്റി ഇക്വിറ്റി സ്റ്റേക്കിനു പകരമായി വാസസ്ഥലത്തിന്റെ വാങ്ങൽ വിലയുടെ ഒരു ഭാഗം നൽകി വീട് സ്വന്തമാക്കാൻ ആളുകളെ സഹായിക്കാൻ ലക്ഷ്യമിടുന്നു. പുതുതായി നിർമ്മിച്ച വീടുകൾ ആദ്യമായി വാങ്ങുന്നവരെ സഹായിക്കുക എന്ന ലക്ഷ്യത്തോടെയാണിത്.

പുതിയ മാറ്റങ്ങൾ പ്രകാരം, ഡബ്ലിൻ സിറ്റി, കോർക്ക് സിറ്റി, ഡൺ ലോ ഹയർ – റാത്ത് ഡൗൺ, ഫിൻഗാൽ, സൗത്ത് ഡബ്ലിൻ എന്നിവിടങ്ങളിൽ വില പരിധി 450,000 യൂറോയിൽ നിന്ന് 475,000 യൂറോ ആയി വർദ്ധിച്ചു.25,000 യൂറോയുടെ വർദ്ധനവ്.ഗാൽവേ കൗണ്ടി, കിൽകെന്നി കൗണ്ടി, മീത്ത് കൗണ്ടി, വെസ്റ്റ്മീത്ത് കൗണ്ടി, ലൗത്ത്, ലിമെറിക്ക് സിറ്റി, കൗണ്ടി തുടങ്ങിയ മറ്റ് കൗണ്ടികളിൽ എല്ലാ പ്രോപ്പർട്ടികൾക്കും യൂറോ 350,000 മുതൽ യൂറോ 375,000 വരെ വീടുകളുടെ വില പരിധി ഉയരും. കോർക്ക് കൗണ്ടി, ഗാൽവേ സിറ്റി, കിൽഡെയർ എന്നിവിടങ്ങളിലെ വില പരിധി 425,000 യൂറോയായി ഉയരും. ഒരു വീടിന്റെ വില പരിധി യൂറോ 350,000 ആയി ഉയരും, വാട്ടർഫോർഡ് സിറ്റിക്കും കൗണ്ടിക്കും 350,000 യൂറോയിൽ മാറ്റമില്ല. ശേഷിക്കുന്ന എല്ലാ കൗണ്ടികളിലും പരമാവധി വില പരിധി യൂറോ 325,000 ആയി ഉയർന്നു.

അയർലണ്ടിൽ എവിടെയും പുതുതായി നിർമ്മിച്ച വീടുകളും അപ്പാർട്ടുമെന്റുകളും ആദ്യമായി വാങ്ങുന്നവർക്ക് ഈ പദ്ധതി സഹായം നൽകുന്നു. വാങ്ങുന്നയാൾ ഗവൺമെന്റിന്റെ പ്രത്യേക ഹെൽപ്പ്-ടു-ബൈ സ്‌കീം പ്രയോജനപ്പെടുത്തുകയാണെങ്കിൽ, ഫസ്റ്റ് ഹോം സ്‌കീമിൽ നിന്നും ലഭിക്കുന്ന പരമാവധി പരിധി 20% ആണ്. കൂടാതെ ഹെൽപ്പ്-ടു-ബൈ ഉപയോഗിക്കുന്നില്ലെങ്കിൽ 30% ലഭിക്കും. ആദ്യത്തെ അഞ്ച് വർഷത്തേക്ക് ഇക്വിറ്റി ഓഹരി സൗജന്യമാണ്, അതിനുശേഷം കുറഞ്ഞ പലിശനിരക്കും. 6 മുതൽ 15 വർഷം വരെ 1.75%, 16 മുതൽ 29 വർഷം വരെ 2.15%, 30 വർഷത്തിന് മുകളിൽ 2.85% എങ്ങനെയാണ് പലിശ നിരക്ക്. ഇക്വിറ്റി ഷെയറും എല്ലാ കുടിശ്ശികയുള്ള സേവന ചാർജുകളും പ്രോപ്പർട്ടി വിൽപനയിൽ മുഴുവനായും തിരിച്ചടയ്ക്കാവുന്നതാണ്. അഞ്ച് വർഷ കാലയളവിൽ 400 മില്യൺ യൂറോയുടെ പദ്ധതിയാണ് വിഭാവനം ചെയ്തിരിക്കുന്നത്.

മോർട്ട്‌ഗേജ് വായ്പ നിയമങ്ങൾ

ആദ്യമായി വാങ്ങുന്നയാൾക്ക് വീട് വാങ്ങാൻ കഴിയുന്ന പരമാവധി പ്രോപ്പർട്ടി വില പരിധി ഓരോ പ്രാദേശിക അതോറിറ്റിക്കും സജ്ജീകരിച്ചിരിക്കുന്നു, എന്നാൽ പുതിയ മാറ്റത്തിന് കീഴിൽ, ഓരോ കൗണ്ടിയുടെയും വില പരിധി ജനുവരി 1 മുതൽ വർദ്ധിപ്പിച്ചു. അടുത്തിടെ സെൻട്രൽ ബാങ്ക് പ്രഖ്യാപിച്ച മോർട്ട്‌ഗേജ് ലെൻഡിംഗ് നിയമങ്ങളിലെ മാറ്റങ്ങൾക്കൊപ്പം ഈ മാറ്റങ്ങൾ ആരംഭിക്കും. ഇത് ഒരു വ്യക്തിയെയോ ദമ്പതികളെയോ അവരുടെ മൊത്ത ശമ്പളത്തിന്റെ നാലിരട്ടി കടം വാങ്ങാൻ അനുവദിക്കുന്നു. ഫസ്റ്റ് ഹോം സ്‌കീം നിലവിൽ വന്നതിനെ തുടർന്ന് ചില കൗണ്ടികളിൽ വീടുകളുടെ വില വർധിപ്പിച്ചതായി ആശങ്ക ഉയർന്നിട്ടുണ്ട്.

ഫസ്റ്റ് ഹോം സ്‌കീമിന് അപേക്ഷിക്കാം

അയർലണ്ടിൽ എവിടെയും ഒരു സ്വകാര്യ ഡെവലപ്മെന്റിൽ പുതുതായി നിർമ്മിച്ച വീട് ആദ്യമായി വാങ്ങുന്നവരെയും, മറ്റ് വീട് വാങ്ങാൻ യോഗ്യരായവരെയും സഹായിക്കുന്നതാണ് ഫസ്റ്റ് ഹോം സ്‌കീം, . അയർലൻഡ് ഗവൺമെന്റ് (ഡിപ്പാർട്ടമെന്റെ ഓഫ് ഹൗസിംങ്, ലോക്കൽ ഗവൺമെന്റ് ആന്റ് ഹെറിട്ടേജ് ), പങ്കാളിത്ത വായ്പ നൽകുന്നവരുടെ സഹായത്തോടെ, നിങ്ങളുടെ നിക്ഷേപവും മോർട്ട്‌ഗേജും തമ്മിലുള്ള അന്തരം നികത്താനും നിങ്ങളുടെ പുതിയ വീടിന്റെ വാങ്ങുന്നതിന് ആവശ്യമായ തുക കണ്ടെത്താനും സഹായിക്കുന്ന ഒരു ഷെയർഡ് ഇക്വിറ്റി സ്‌കീമാണ് എഫ്എച്ച്എസ് .നിങ്ങളുടെ ഡെപ്പോസിറ്റ്, മോർട്‌ഗേജ്, വില്പന വില എന്നിവയുടെ അന്തരം നികത്താൻ ഏറെ സഹായകമാണ് എഫ്എച്ച്എസ് . പങ്കാളിത്ത വായ്പ നൽകുന്നവരുടെ സഹകരണത്തോടെ അയർലണ്ട് ഗവണ്മെന്റാണ് എഫ്എച്ച്എസ് ന് ഫണ്ട് നൽകുന്നത്.

പുതിയ വീട് ആദ്യമായി വാങ്ങുന്നവർ മാത്രമാണ് FHS ന് യോഗ്യർ. ബാങ്കിൽ നിന്നും ലഭിക്കുന്ന അപ്രൂവലിംഗ് പ്രിൻസിപ്പിൾ പൂർണമായും ഉപയിഗിക്കേണ്ടത് FHS ൽ നിർബന്ധമാണ്. മോർട്‌ഗേജ് അപേക്ഷയിൽ നിന്നും വ്യത്യസ്തമാണ് FHS.18 വയസ്സ് പൂർത്തിയായ, നിലവിൽ അയർലണ്ടിലോ പുറത്തോ സ്വന്തമായി വീട് ഇല്ലാത്തതുമായ വ്യക്തികൾക്ക് FHS ന് അപേക്ഷിക്കാം. സ്‌കീമിന്റെ യോഗ്യതകളെ കുറിച്ചുള്ള വിശദവിവരങ്ങൾ വെബ്‌സൈറ്റിൽ ലഭ്യമാണ്. നിങ്ങളുടെ വിവരങ്ങൾ നൽകി എലിജിബിലിറ്റി കാൽക്കുലേറ്റർ വഴി യോഗ്യത മനസ്സിലാക്കാം. വീട്, അപ്പാർട്ട്‌മെന്റ് എന്നിവയുടെ പ്രത്യേകതകളും, അവ വാങ്ങാൻ ആഗ്രഹിക്കുന്ന സ്ഥലങ്ങളെയും ആശ്രയിച്ചാണ് മോർട്‌ഗേജ് അപ്ലിക്കേഷൻ നൽകുക.

അപ്ലിക്കേഷന് അപ്രൂവ് ലഭിച്ചശേഷം FHS ന് ഓൺലൈനായി അപേക്ഷിക്കാം. തുടർന്ന് FHS എലിജിബിലിറ്റി സർട്ടിഫിക്കറ്റ് നിങ്ങൾക്ക് ലഭിക്കും. ഈ സർട്ടിഫിക്കറ്റ് ഏത് ബാങ്കിൽ നിന്നാണോ നിങ്ങൾ വായ്പ സ്വീകരിക്കുന്നത് അവർക്ക് നൽകണം. അവരിൽ നിന്നും അപ്രൂവലിംഗ് പ്രിൻസിപ്പിൾ നേടിയ ശേഷം ആ സർട്ടിഫിക്കറ്റും FHS പോർട്ടലിൽ ഓൺലൈനായി അപ്ലോഡ് ചെയ്യുക. അനുമതി ലഭിച്ചശേഷം FHS ഉടമ്പടിയിൽ നിങ്ങൾക്ക് പങ്കാളികളാകാം. ശേഷം ബാങ്കിൽ നിന്നും FHS ൽ നിന്നുമുള്ള ഫണ്ട് നിങ്ങളുടെ സോളിസിസ്റ്ററിന് കൈമാറും. കൂടുതൽ വിവരങ്ങൾക്ക് എന്ന http://www.firsthomescheme.ie വെബ്‌സൈറ്റ് സന്ദർശിക്കുക.