അയർലൻഡിൽ സ്ഥിരീകരിച്ചത് 393 കൊവിഡ് കേസുകൾ: ജാഗ്രത തുടരണമെന്നു ആരോഗ്യമന്ത്രി

ഡബ്ലിൻ: രാജ്യത്ത് കോവിഡ് -19 393 കേസുകൾ സ്ഥിരീകരിച്ചതായി ആരോഗ്യവകുപ്പ് റിപ്പോർട്ട് ചെയ്തു.

കൊറോണ സ്ഥിരീകരിച്ചവരിൽ 14 രോഗികൾ ഐസിയുവിലും 48 പേർ ആശഉപത്രിയിലുമുണ്ട്. രാജ്യത്ത് ഇതുവരെ 3,434,053 ഡോസ് കൊവിഡ് വാക്‌സിൻ വിതരണം ചെയ്തിട്ടുണ്ട്. ഇതോടെ രാജ്യത്തെ 60 ശതമാനം ജനങ്ങൾക്കും കൊവിഡ് വിതരണം ചെയ്തിട്ടുണ്ട്.
31 ശതമാനം പേർക്ക് ഒരു ഡോസ് വാക്‌സിൻ വിതരണവും നടത്തി.

40-49 വയസ്സിനിടയിലുള്ള എല്ലാ ആദ്യ ഡോസുകളും അടുത്ത രണ്ടാഴ്ചയ്ക്കുള്ളിൽ പൂർത്തിയാകുമെന്ന് എച്ച്എസ്ഇയുടെ ചീഫ് ക്ലിനിക്കൽ ഓഫീസർ ഡോ. കോൾം ഹെൻറി പറഞ്ഞു, ഒരു മാസത്തിനുശേഷം അവരുടെ രണ്ടാമത്തെ ഡോസ് എംആർഎൻഎ വാക്‌സിൻ നൽകുമെന്നും അദ്ദേഹം വ്യക്തമാക്കി.

എല്ലാ 30-39 ഗ്രൂപ്പുകൾക്കും ജൂലൈ അവസാനമോ ഓഗസ്റ്റ് ആരംഭമോ ആദ്യ ഡോസ് നൽകാനാവുമെന്നു പ്രതീക്ഷിക്കുന്നതായും അദ്ദേഹം പറയുന്നു. അടുത്ത ഘട്ടമായാവും 20 മുതൽ 29 വരെ പ്രായത്തിലുള്ളവർക്ക് വാക്‌സിൻ വിതരണം ചെയ്യുക. നിലവിലെ സപ്ലൈകളെ അടിസ്ഥാനമാക്കി ആത്മവിശ്വാസമുണ്ടെന്ന് ഡോ. ഹെൻറി പറഞ്ഞു.

വിദേശയാത്രയ്ക്ക് മുമ്പ് പൂർണമായി പ്രതിരോധ കുത്തിവയ്പ് എടുക്കുന്നതുവരെ കാത്തിരിക്കാൻ യുവാക്കളോട് ആവശ്യപ്പെടുന്നത് അനീതിയാണെന്ന് ടെനിസ്റ്റ് ലിയോ വരദ്കർ ശനിയാഴ്ച പറഞ്ഞു.

ഈ ആഴ്ച ആദ്യം ചീഫ് മെഡിക്കൽ ഓഫീസർ ഡോ. ടോണി ഹോളോഹാൻ പറഞ്ഞു, ആളുകൾക്ക് പൂർണമായി പ്രതിരോധ കുത്തിവയ്പ്പ് നൽകിയില്ലെങ്കിൽ വിദേശ യാത്ര ചെയ്യരുതെന്ന്.

ഡോ. ഹോളോഹന്റെ സ്ഥാനം തനിക്ക് മനസ്സിലായെന്നും എന്നാൽ യുവാക്കൾക്ക് ഇത് ന്യായമാണെന്ന് താൻ കരുതുന്നില്ലെന്നും ശനിയാഴ്ച സംസാരിച്ച വരദ്കർ പറഞ്ഞു.