മല്ലപ്പള്ളി സംഗമം ഓണം ആഘോഷിച്ചു

സ്വന്തം ലേഖകൻ

ഹൂസ്റ്റൺ: മല്ലപ്പള്ളി സംഗമത്തിന്റെ ഈ വർഷത്തെ ഓണാഘോഷം സെപ്റ്റംബർ 17 നു സ്റ്റാഫോർഡിൽ വൈവിധ്യമാർന്ന പരിപാടികളോടെ നടത്തപ്പെട്ടു. സംഗമം പ്രസിഡന്റ് നൈനാൻ ചാക്കോയുടെ സ്വാഗത പ്രസംഗത്തോടു കൂടി ആരംഭിച്ച ഓണാഘോഷപരിപാടിയിൽ ഓണത്തിന്റെ സമത്വസുന്ദര സമൂഹങ്ങളെ ഓർമിപ്പിക്കുന്ന കലാപരിപാടികൾ ഓമസദ്യ തുടങ്ങിയവയുമായി ആഘോഷം ഗംഭീരമായി.

ഓണത്തിന്റെ സന്ദേശം നൈനാൻ മാത്യുള്ള, റവ.എബ്രഹാം തോട്ടത്തിൽ എന്നിവർ നൽകി. ശെൽവിൻ ഫിലിപ്പ്, ജെസി ചാക്കോ, റെസ് ലിമാത്യു തുടങ്ങിയവരുടെ ഗാനാലാപനം, നിക്കിഷ ബാബുവിന്റെ ഡാൻസ്് തുടങ്ങിയ പരിപാടികൾ ഓണാഘോഷത്തിന്റെ മാറ്റൂകൂട്ടി. സംഗമം വൈസ് പ്രസിഡന്റ് സജി മാത്യു നന്ദി രേഖപ്പെടുത്തി.
ഓണാഘോഷങ്ങൾക്കു പ്രോഗ്രാം കോ ഓർഡിനേറ്റർ റെസ് ലി മാത്യു, സെക്രട്ടറി സിജോ ജോസ് ട്രഷറർ, സെനി ഉമ്മൻ എന്നിവർ നേതൃത്വം നൽകി.