ഡാള്ളസിൽ നവരാത്രി ആഘോഷങ്ങൾ ഒക്ടോബർ ഒന്നു മുതൽ ഒൻപതു വരെ

പി.പി ചെറിയാൻ

ഡാള്ളസ്: ഡാള്ളസിലെ നവരാത്രി ആഘോഷങ്ങൾ ഒക്ടോബർ ഒന്നു മുതൽ ഒൻപതു വരെ ഇർവിങ് മക്കാർത്തിലുള്ള രാധാ ഗോവിന്ദ് ദമ്മിൽ നടക്കും. ശ്രീരാമൻ രാവണനെയും ദുർഗാദേവി മഹിഷാസുരനെയും വധിച്ചു തിന്മയുടെ മേൽ നന്മ ജയം ഘോഷിക്കുന്ന സമരണ പുതുക്കുന്നതിനാണ് ഒൻപതു ദിവസം നീണ്ടു നിൽക്കുന്ന വിവിധ പരിപാടികൾ സംഘടിപ്പിക്കുന്നത്.
ഒക്ടോബർ ഒന്നു മുതൽ ഒൻപതു വരെ വൈകിട്ട് ഏഴര മുതൽ 11 വരെ വിവിധ പൂജകൾ കീർത്തനങ്ങൾ തുടർന്നു ഡാൻഡിയ ഡാൻസ് എന്നീ പരിപാടികൾ ഉണ്ടായിരിക്കുമെന്നും സംഘാടകർ അറിയിച്ചു. ഉത്സവങ്ങളിൽ പങ്കെടുക്കുന്നവരുടെ സൗകര്യാർത്ഥം രുചികര ലഘുഭക്ഷണശാലകളും വിവിധ സ്റ്റോളുകളും ഇവിടെ ക്രമീകരിച്ചിട്ടുണ്ട്. നവരാത്രി ആഘോഷങ്ങളിൽ പങ്കെടുക്കുന്നതിനും കൂടുതൽ വിവരങ്ങൾക്കും 569 909 1008 എന്ന ഫോൺ നമ്പരിൽ ബന്ധപ്പെടുക.