ദമ്മാം നവോദയ സാംസ്‌കാരിക വേദി സെന്റർ യൂണിറ്റ് പ്രവാസി സംഗമം സംഘടിപ്പിച്ചു

ചടങ്ങിൽ യൂണിറ്റ് സെക്രട്ടറി ദീപൻ ഘോഷ് റിപ്പോർട്ട് അവതരിപ്പിക്കുകയും കേന്ദ്ര കമ്മിറ്റി അംഗവും ഏര്യാ കമ്മിറ്റി ട്രഷററുമായ സ: ചന്ദ്രൻ വാണിയമ്പലം, ടൗൺമേഖല സെക്രട്ടറി സ: അസീം വെഞ്ഞാറമൂട്, ടൗൺമേഖല ട്രഷറർ സ: ലോഹി ചാലിയം എന്നിവർ അഭിവാദ്യമർപ്പിക്കുകയും ചെയ്തു. പ്രവാസി സംഗമത്തിന്റെ ഭാഗമായി ക്വിസ് മത്സരം സംഘടിപ്പിക്കുകയും സമ്മാനദാനം നല്കുകയും ചെയ്തു. ചടങ്ങിൽ നവോദയയിൽ പുതുതായി ചേർന്ന അംഗങ്ങളുടെ മെമ്പർഷിപ്പ് കാർഡ് വിതരണവും നടത്തുകയുണ്ടായി..

പൂർണ്ണമായും അഴിമതിയിൽ മുങ്ങി നിൽക്കുന്ന യുഡി എഫ് സർക്കാറിനെ അധികാരത്തിൽ നിന്നും പുറത്താക്കുന്നതിനും വർഗ്ഗീയ ഫാസിസ്റ്റ് ശക്തികളെ കേരളത്തിൽ വളരാൻ അനുവദിക്കാതിരിക്കുന്നതിനും പ്രവാസികൾക്ക് വേണ്ടി എന്നും ശബ്ദമുയർത്തുന്ന ഇടതുപക്ഷം അധികാരത്തിൽ വരുന്നതിനു വേണ്ടിയാകണം പ്രവാസികളുടെ കുടുംബം വോട്ടു ചെയ്യേണ്ടതെന്ന് പ്രവാസി സംഗമം ആഹ്വാനം ചെയ്തു.

അകാലത്തിൽ പൊലിഞ്ഞു പോയ നവോദയ അംഗങ്ങൾക്കും കൊല്ലം പറവൂർ വെടിക്കെട്ട് ദുരന്തത്തിൽ ജീവന്‍ നഷ്ടപ്പെട്ടവർക്കും, ജുബൈൽ ഓയിൽ കമ്പനിയിൽ നടന്ന തീപിടിത്തത്തിൽ ജീവൻ നഷ്ടപ്പെട്ടവർക്കും കല, കായിക, സംസാരിക, രാഷ്ട്രീയ രംഗത്തുനിന്നും നമ്മെ വിട്ടു പോയവർക്കും സ: പ്രദീപ്‌ അനുശോചനം രേഖപ്പെടുത്തി. സ: ആസാദ് പള്ളത്ത് സ്വാഗതം പറഞ്ഞ ചടങ്ങിൽ സ: ജോജോ നന്ദി രേഖപ്പെടുത്തി…….