സിയാറ്റിൽ ഷോപ്പിങ് മാളിൽ വെടിവെയ്പ്പ് നാലു മരണം

പി.പി ചെറിയാൻ

സിയാറ്റിൽ: സിയാറ്റിൽ നിന്നും 65 മൈൽ അകലെ വടക്കുമാറി സ്ഥിതി ചെയ്യുന്ന ഷോപ്പിങ് മാളിൽ വെള്ളിയാഴ്ച രാത്രി അജ്ഞാത തോക്കു ധാരി നടത്തിയ വെയിവെയ്പ്പിൽ നാലു പേർ കൊലചെയ്യപ്പെട്ടതായി വാഷിങ്ടൺ സ്റ്റേറ്റ് പട്രോൾ അറിയിച്ചു.

ബെർലിംങ്ടൺ കാസ്‌കോഡ് മാളിലാണ് കഴിഞ്ഞ ദിവസം രാത്രിയിൽ വെടിവെയ്പ്പ് നടന്നത്. വെടിവെയ്പ്പിനു ശേഷം രാത്രി 8.30 നു പൊലീസ് സംഭവ സ്ഥലത്ത് എത്തിയെങ്കിലും വെടിവെയ്പ്പു നടത്തിയ പ്രതി അവിടെ നിന്നും രക്ഷപെട്ടിരുന്നു. സംബവത്തിനു പിന്നിൽ ഒരാൾ മാത്രമാണെന്നാണ് പൊലീസിന്റെ പ്രാഥമിക നിഗമനം. എത്ര ആളുകൾക്കു പരുക്കേറ്റിട്ടുണ്ടോ എന്നും മരണസംഖ്യ എത്രയാണെന്നതു സംബന്ധിച്ചു വ്യക്തമാക്കാൻ പൊലീസ് ഇനിയും തയ്യാറായില്ല.

പ്രതിയ്ക്കു വേണ്ടിയുള്ള തിരച്ചിൽ പൊലീസ് ശക്തമാക്കിയിട്ടുണ്ട്.
പ്രതിയുടെതെന്നു സംശയിക്കുന്ന ചിത്രം പൊലീസ് പുറത്തു വിട്ടിട്ടുണ്ട്. വെടിവെയ്പ്പിനെക്കുറിച്ചോ പ്രതിയെ കുറിച്ചോ വിവരം ലഭിക്കുന്നവർ വാഷിങ്ടൺ പൊലീസുമായി ബന്ധപ്പെടമമെന്നു സാർജന്റ് മാർക്ക് ഫ്രാൻസിസ് അറിയിച്ചു.