മസ്‌കറ്റ്: ഒമാനിലെ ഫഹൂദില്‍ ഉണ്ടായ വാഹനാപകടത്തില്‍ 18 പേര്‍ കൊല്ലപ്പെട്ടു. 14 പേര്‍ക്ക് പരിക്കേറ്റു. മസ്‌കറ്റിന്റെ പടിഞ്ഞാറന്‍ നഗരങ്ങളായ ഇബ്രിയെയും ഫഹുദിനെയും ബന്ധിപ്പിക്കുന്ന പാതയിലാണ് അപകടമുണ്ടായത്. സലാലയിലേക്ക് പോവുകയായിരുന്ന ബസും ട്രെയിലറും ആണ് കൂട്ടിയിടിച്ചത്.
മറ്റൊരു കാറും അപകടത്തില്‍പ്പെട്ടിട്ടുണ്ട്. അമേരിക്കക്കാര്‍ ഉള്‍പ്പെടെയുള്ള വിദേശികള്‍ സഞ്ചാരിച്ച വാഹനമാണ് അപകടത്തില്‍ പെട്ടതെന്നാണ് സൂചന. ഇടിയുടെ ആഘാതത്തില്‍ ബസും കാറും പൂര്‍ണ്ണമായും തകര്‍ന്നു. പരിക്കേറ്റവരെ ഇബ്രി, ബഹല, നിസ്വ തുടങ്ങിയ ആശുപത്രികളില്‍ പ്രവേശിപ്പിച്ചിരിക്കുകയാണ്. ഇതില്‍ അഞ്ചുപേരുടെ നില ഗുരുതരമാണ്. മൃതദേഹങ്ങള്‍ ഇബ്രി , നിസ്വ ആശുപത്രികളുടെ മോര്‍ച്ചറിയിലേക്ക് മാറ്റി.
Daily Indian Herald വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1
| Telegram Group | Google News
ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക
Top