ബാബു ഭരദ്വാജിന്റെ നിര്യാണത്തിൽ ചില്ല സർഗവേദി  അനുശോചിച്ചു. 

റിയാദ്: ബാബു ഭരദ്വാജിന്റെ നിര്യാണത്തിൽ ചില്ല സർഗവേദി  അനുശോചിച്ചു. മാധ്യമപ്രവർത്തകൻ, കഥാകൃത്ത്, സാഹിത്യ അക്കാദമി അവാർഡ് ജേതാവായ നോവലിസ്റ്റ് എന്നീ നിലകളിൽ പ്രശസ്തനായ ബാബു ഭരദ്വാജ് ഹൃദയത്തിന്റെ ആഴത്തിൽ ചെന്നു തൊടുന്ന ഭാഷ കൊണ്ട്  എന്നും വ്യത്യസ്തനായിരുന്നു.  ഗൾഫ് പ്രവാസത്തിന്റെ നോവും നൊമ്പരവും കനവും കണ്ണീരും  മലയാളിയെ ആദ്യമായി അനുഭവിപ്പിച്ച എഴുത്തുകാരനായിരുന്നു ബാബു ഭരദ്വാജ്. പ്രവാസത്തെ അടയാളപ്പെടുത്തിയ തന്റെ ഓർമപുസ്തകത്തിലൂടെ പ്രവാസസാഹിത്യത്തിന്  വിലപ്പെട്ട സംഭാവനയാണ്  ബാബു ഭരദ്വാജ് നല്കിയതെന്ന്  ചില്ല സർഗവേദി പുറത്തിറക്കിയ അനുശോചന കുറിപ്പിൽ പറഞ്ഞു.