റഹീമ ഒ ഐ സി സി ഗാന്ധിജയന്തി ആഘോഷിച്ചു

സ്വന്തം ലേഖകൻ

ദമ്മാം: ഒ ഐ സി സി റഹീമ ഏരിയാ കമ്മറ്റിയുടെ ആഭിമുഖ്യത്തിൽ ഗാന്ധിജയന്തി ദിനം റഹീമ താസൂർ ക്യാമ്പിൽ ആഘോഷിച്ചു. ഏരിയാ കമ്മിറ്റി ആക്ടിംഗ് പ്രസിഡന്റ് പി.എം.സാദിഖ് അദ്ധ്യക്ഷത വഹിച്ചു. ഒ ഐ സി സി യൂത്ത് വിംഗ് ദമ്മാം റീജിണൽ കമ്മിറ്റി പ്രസിഡന്റ് നബീൽ നൈതല്ലൂർ ഉദ്ഘാടനം ചെയ്തു. ഗാന്ധിയൻ മൂല്യങ്ങൾ ലോകം അംഗീകരിക്കുമ്പോൾ ഇന്ത്യയിലെ വർഗ്ഗീയ ഫാസിസ്റ്റ് ശക്തികൾ ഗാന്ധിജിയെയും ഗാന്ധിയൻ ദർശനങ്ങളെയും തിരസ്ക്കരിക്കുന്നത് ജനാധിപത്യ മതേതര വിശ്വാസികൾ ചെറുത്ത് തോൽപിക്കണമെന്ന് ഉത്ഘാടന പ്രസംഗത്തിൽ നബീൽ നൈതല്ലൂർ പറഞ്ഞു.

ഗാന്ധിസത്തിന്റെ പ്രസക്തിയെക്കുറിച്ച് മനോജ് , ബിജു ദേവസ്യ എന്നിവർ പ്രഭാഷണം നടത്തി. ജനറൽ സെക്രട്ടറി എൻ.മുഹമ്മദ് ഷാനി സ്വാഗതവും സെക്രട്ടറി അഷ്ലിൻ ആന്റണി നന്ദിയും രേഖപ്പെടുത്തി. ഡിജോ ടി,  അലക്സ് കൊല്ലം, നിഷാർ, യാസർ കരുനാഗപ്പള്ളി തുടങ്ങിയവർ  പരിപാടിക്ക് നേതൃത്വം നൽകി.