പൊലീസ് കമ്മിഷണറുടെ അഡൈ്വസറി ബോർഡിൽ മലയാളിക്കു നിയമനം

പി.പി ചെറിയാൻ

ഫിലഡൽഫിയ: പൊലീസ് കമ്മിഷണറുടെ ഏഷ്യൻ അഡൈ്വസറി കൗൺസിലിൽ മലയാളികൾക്കു നിയമനം. ഏഷ്യൻ അമേരിക്കൻ ഫെഡറേഷൻ ഓഫ് യുഎസ് ഡയറക്ടർമാരായ അലക്‌സ് തോമസ്, ജോബി ജോർജ് എന്നിവരെ കൂടാതെ പ്രമുഖ അറ്റോർണിയായ ജോസ് കുന്നേൽ, ബിസിനസ് ഉടമായിയ സജി കരിജൂറ്റി എന്നിവർക്കാണ് നിയമനം ലഭിച്ചിരിക്കുന്നത്.

ഏഷ്യൻ ഫെഡറേഷൻ കഴിഞ്ഞ 16 വർഷമായി വിവിധ ഏഷ്യൻ രാജ്യങ്ങളിൽ നിന്നുള്ള സാമൂഹ്യ നേതാക്കളുടെ കേന്ദ്ര സംഘടനയാണ്. കൊറിയ, ചൈന, ഫിലിപ്പൈൻസ് വിയറ്റ്‌നാം, തായ്‌ലൻഡ്, ഇൻഡോനേഷ്യ, ബംഗ്ലാദേശ്, പാക്കിസ്ഥാൻ, ഇന്ത്യ തുടങ്ങി വിവിധ രാജ്യങ്ങളെ പ്രതിനിധീകരിച്ചിരിക്കുന്നു.

2008 മുതൽ പൊലീസ് കമ്മിഷണറുടെ അഡൈ്വസറി ബോർഡിലും, ഡിസ്ട്രിക്ട് അറ്റോർണിയുടെ അഡൈ്വസറി ബോർഡിലും അംഗങ്ങളാണ് അലക്‌സ് തോമസും, ജോബി ജോർജും. ഏഷ്യൻ ഫെഡറേഷൻ പൊലീസ് വകുപ്പുമായി ചേർന്നു വിവിധ സേവന പ്രവർത്തനങ്ങൾ ദശാബ്ദത്തിലധികമായി ചെയ്തു വരുകയാണ് ഇരുവരും. ഇന്ത്യൻ സമൂഹം നേരിടുന്ന വിവിധ പ്രശ്‌നങ്ങൾ കമ്മിഷണറുടെ ബോർഡ് മീറ്റിങിൽ ചർച്ച ചെയ്യുന്നതിനും പ്രശ്‌നപരിഹാരത്തിനും വേണ്ടി പ്രവർത്തിച്ചു വരികയാണ്. അലക്‌സ് തോമസ് പമ്പ അസോസിയേഷൻ മുൻ പ്രസിഡന്റ്, ട്രൈസ്റ്റേറ്റ് കേരള ഫോറം മുൻ ചെയർമാൻ, ഫൊക്കാന മുൻ വൈസ് പ്രസിഡന്റ് ക്രിസോസ്റ്റ് മാർത്തോമാ പള്ളി വൈസ് പ്രസിഡന്റ് എന്നീ നിലകളിൽ പ്രവർത്തിക്കുന്നു. ഗവർണറുടെ സാമൂഹ്യ സേവനത്തിനു അവാർഡ് ലഭിച്ചിട്ടുണ്ട്.
ജോബി ജോർജ് പൊലീസ് കമ്മിഷണർ മേയർ എന്നിവരുടെ സാമുഹിക സേവന അവാർഡ് നേടിയിട്ടുണ്ട്. ട്രൈസ്റ്റേറ്റ് കേരള ഫോറം മുൻ ചെയർമാൻ കോട്ടയം അസോസിയേഷൻ മുൻ പ്രസിഡന്റ്, സെന്റ് പീറ്റേഴ്‌സ് സിറിയൻ കത്തീഡ്രൽ മുൻ വൈസ് പ്രസിഡന്റ് എന്നീ നിലകളിൽ പ്രവർത്തിച്ചിട്ടുണ്ട്. ഇന്ത്യൻ പ്രസ് ക്ലബ് ഫിലഡൽഫിയ പ്രസിഡന്റ് സെന്റ് പീറ്റേഴ്‌സ് കത്തീഡ്രൽ ബിൽഡിങ് കമ്മിറ്റി കോ ഓർഡിനേറ്റർ ഐഎൻഒസി എന്നീ സ്ഥാനങ്ങൾ വഹിക്കുന്നു.
ജോസ് കുന്നേൽ, കാൽ നൂറ്റാണ്ടിലധികം നിയമരംഗത്ത് സജീവമാണ്. എഎഎബിപി പ്രസിഡന്റായിരുന്ന ഏഷ്യൻ അമേരിക്കൻ ബിസിനസ് പ്രൊഫഷണൽ അസോസിയേഷൻ ഐഎൻ ഓസി കേരള ട്രസ്റ്റി ബോർഡ് വൈസ് ചെയർമാൻ സെന്റ് തോമസ് സീറോ മലബാർ പാരിഷ്‌കൗൺസിൽ ബിൽഡിങ് കമ്മിറ്റി അംഗം എന്നീ നിലകളിൽ പ്രവർത്തിച്ചിട്ടുണ്ട്. ബിസിനസ് രംഗത്ത് സജീവമാണ് ഫിൽമ മലയാളി അസോസിയേഷൻ പ്രസിഡന്റ് ഐഎൻഓസി കേരള പെൻസിൽവാനിയ വൈസ് പ്രസിഡന്റ് ട്രൈസ്റ്റേറ്റ് കേരള ഫോറം മുൻ സെക്രട്ടറി. ഫിലഡൽഫിയയിലെ ഇന്ത്യൻ സമൂഹത്തിനു പ്രയോജനകരമായ പ്രവർത്തനങ്ങൾക്കു നേതൃത്വം നൽകുമെന്നു എല്ലാവർക്കും വ്യക്തമാക്കി. പൊലീസ് കമ്മിഷണർ റിച്ചാർഡ് റോസ് ഡെപ്യൂട്ടി കമ്മിഷണർമാർ എന്നിവർ പ്രസംഗിച്ചു. ഏഷ്യൻ സമൂഹം ഫിലഡൽഫിയക്കു മഹത്തായ സംഭാവനകൾ നൽകിയത് സ്മരിക്കുന്നു. സമൂഹത്തിന്റെ നന്മയ്ക്കായി എല്ലാവർക്കും ഒത്തൊരുമിച്ചു പ്രവർത്തിക്കണം എന്ന് ആഹ്വാനം ചെയ്തു. വിവിധ സമൂഹങ്ങളിൽ നിന്നായി ധാരളം പേർ പങ്കെടുത്തു. ഏപ്രിൽ 22 ന് സിയോൾ റാമ്പോ റെസ്റ്ററണ്ടിന്റെ ബാങ്ക്വറ്റ് ഹാളിൽ ആണ് ചടങ്ങ് നടന്നത്.