നോർത്ത് അമേരിക്കാ മാർത്തോമാ ഭദ്രാസന ദിനാചരണം മാർച്ച് ആറ് ഞായറിന്

സ്വന്തം ലേഖകൻ

ന്യൂയോർക്ക്: നോർത്ത് അമേരിക്ക – യൂറോപ്പ് ഭദ്രാസന ദിനാചരണം മാർച്ച് ആറ് ഞായർ മാർത്തോമാ ഇടവകകളിലെ വിവിധ പരിപാടികളോടെ നടത്തപ്പെടും. ഭദ്രാസന പ്രവർത്തനങ്ങളിൽ ഇടവക ജനങ്ങളുടെ പങ്കാളിത്തത്തെ കുറിച്ചു ബോധവത്കരണം നടത്തുന്നതിനും ഭദ്രാസന ദൈനംദിന പ്രവർത്തനങ്ങൾക്കു ഫണ്ടു സ്വരൂപിക്കുന്നതിനുമാണ് മാർച്ച് ആറ് ഞായർ പ്രത്യേകമായി വേർതിരിച്ചിരിക്കുന്നത്.
പുൾ പിറ്റ ചെയ്ഞ്ചുമായി ഇടവക വികാരിമാർ മറ്റു ഇടവകകളിൽ സന്ദർശിക്കുകയും ഭദ്രാസന പ്രവർത്തനങ്ങളെക്കുറിച്ചു വിശദീകരിക്കുകയും ചെയ്യും. ഭദ്രാസന ദിനത്തോടനുബന്ധിച്ചു പ്രത്യേകം തയ്യാറാക്കിയ പ്രാർഥനകളാണ് ശുശ്രൂഷ മധ്യേ ഉപയോഗിക്കുക. നോർത്ത് അമേരിക്കയിലെ മുഴവൻ ഇടവക ജനങ്ങളും ഭദ്രാസന ദിനത്തോടനുബന്ധിച്ചു ക്രമീകരിച്ചിരിക്കുന്ന ശുശ്രൂഷകളിൽ പ്രാർത്ഥനാ പൂർവം വന്നു സംബന്ധിക്കണമെന്നു ഭദ്രാസനാ എപ്പിസ്‌കോപ്പാ പ്രത്യേകം നിർദേശം നൽകിയിട്ടുണ്ട്.