സോണിക വെയ്ഡ് അമേരിക്കൻ ഐസക്ക് മത്സരത്തിലെ അവസാന അഞ്ചംഗ ടീ മിൽ

സ്വന്തം ലേഖകൻ

കാലിഫോർണിയ: അമേരിക്കൻ ഐഡൽ മത്സരത്തിൽ ഇന്ത്യൻ അമേരിക്കൻ ഗായിക സോണികാ വെയ്‌സ് അവസാന അഞ്ചംഗ ടീമിൽ ഇടം നേടി. മാർച്ച് 17 നു നടന്ന മത്സരത്തിൽ സോണിക ജഡ്ജിങ് പാനലിന്റെ പ്രത്യേക പ്രശംസ പിടിച്ചു പറ്റി.
ഡെമി ലൊവാറ്റോയുടെ ലറ്റ് ഇറ്റ് ഗോ എന്ന ആകർഷകമായ ഗാനം പാടിയാണ് സോണിയ ആരാധക മനം കീഴടക്കിയത്. ഇരുപത്തിരണ്ടു വയസുകാരിയായ ഇന്ത്യൻ അമേരിക്കൻ ഗായിക മാർച്ച് 24 നു രണ്ടു മണിക്കൂർ ദൈർഘ്യമുള്ള അമേരിക്കൻ ഐഡൽ എപ്പിസോഡിൽ പങ്കെടുക്കും. അമേരിക്കൻ ഐഡൽ സീരിസ് ഫൈനൽ ഏപ്രിൽ ആദ്യവാരമാണ് ടെലിവിഷനിലൂടെ സംപ്രേക്ഷണം ചെയ്യുന്നത്.
അമേരിക്കൻ ഐഡൽ മത്സരത്തിൽ ഇന്ത്യൻ വംശജ വിജയിച്ചു ചരിത്രം കുറിക്കുമോ എന്ന് അറിയുന്നതിനു ഏപ്രിൽ ആദ്യ വാരം വരെ കാത്തിരിക്കേണ്ടി വരും.