ട്രമ്പിന് വിജയിക്കാൻ അവസരമുണ്ടെന്ന് മുൻ ന്യൂയോർക്ക് മേയർ റൂഡി

പി.പി ചെറിയാൻ

ന്യൂയോർക്ക്: തുടർച്ചയായി വിമർശന വിധേയനാകുന്ന റിപബ്ലിക്കൻ പാർട്ടി സ്ഥാനാർഥി ഡൊണാൾഡ് ട്രമ്പിനെ അനുകൂലിച്ചു മുൻ ന്യൂയോർക്ക് മേയർ റൂഡ് ഗിലാനിയും മുൻ ഹൗസ് സ്പീക്കർ ഗ്രൻ ഗ്രി്ച്ചും രംഗത്തെത്തി.
ട്രമ്പിന്റെ നിലപാടുകൾക്കെതിരെ ശക്തമായി പ്രതികരിച്ച ഇരുവരും ഹില്ലരി ക്ലിന്റനു ലഭിച്ചിരിക്കുന്ന അനുകൂല തരംഗം റിപബ്ലിക്കൻ പാർട്ടിയുടെ സ്ഥാനാർഥി ട്രമ്പിനെ സാരമായി ബാധിക്കും എന്ന തിരിച്ചറിവാണ് അനുകൂലമായി പ്രതികരിക്കാൻ പ്രേരിപ്പിച്ചത്.
ആഗസ്റ്റ് ഏഴ് ഞായറാഴ്ച ഒരു പ്രമുഖ ടിവി ചാനലിനു നൽകിയ അഭിമുഖത്തിലാണ് ട്രമ്പ് വിജയിക്കുവാൻ സാധ്യതയുണ്ടെന്നു റൂഡ് ഗിലാനി വ്യക്തമാക്കിയത്. ഇപ്പോൾ ഹില്ലരിയ്ക്കു ലഭിച്ച മുന്നേറ്റത്തിൽ പരിഭ്രമിക്കേണ്ടതില്ലെന്നു ജോർജ് ബുഷ് മത്സര രംഗത്തെത്തിയപ്പോൾ സെപ്റ്റംബർ മാസം ഡമോക്രാറ്റിക് സ്ഥാനാർഥിയേക്കാൾ 16 പോയിന്റ് പിന്നിലായിരുന്നുവെന്നും എന്നാൽ, ഈ ലീഡ് മറികടന്ന ബുഷ് വിജയിച്ച ചരിത്രമാണ് മുന്നിലുള്ളതെന്നും മേയർ ചൂണ്ടിക്കാട്ടി. ഇപ്പോൾ ട്രമ്പ് ഹില്ലരിയേക്കാൾ എട്ടു പോയിന്റ് പിന്നിലാണ്.
വീരമൃത്യുവരിച്ച അർമി ക്യാപ്റ്റൻ ഹുമയൂൺ ഖാൻ, ഹില്ലരിയുടെ ഇ-മെയിൽ വിവാദത്തിലെ റഷ്യൻ പങ്ക്, പോൾ യെനെ എൻഡോഴ്‌സ് ചെയ്യുകയില്ലെ തുടങ്ങിയ പ്രസ്താവനകൾ ട്രമ്പിനെ ദോഷകരമായി ബാധിച്ചിരുന്നു. ട്രമ്പിന്റെ രാഷ്ട്രീയത്തിലെ പരിചയക്കുറവാണ് ഇത്തരം തെറ്റുകൾക്കു ഇടയാക്കിയതെന്നു ഗ്രിൻഗിച്ച് അഭിപ്രായപ്പെട്ടു.