ദമ്മാം ടൌണ്‍ നവോദയ പതിനാലാം വാര്‍ഷികത്തോടനുബന്ധിച്ചു സംഘടിപ്പിക്കുന്ന അനുബന്ധ പരിപാടിയായ ഉത്സവ്2015, സെപ്റ്റംബര്‍ 25 ന് ദമാമില്‍ സംഘടിപ്പിക്കുന്നു.
ഉത്സവ് 2015 എന്ന സാംസ്‌കാരിക പരിപാടി എം.ബി.രാജേഷ് എം.പി. ഉദ്ഘാടനം ചെയ്യും. കിഴക്കന്‍ പ്രവിശ്യയിലുള്ള പ്രമുഖ വ്യക്തികളും, സാഹിത്യ, സാംസ്‌കാരിക പ്രവര്‍ത്തകരും, ചിത്രകാരന്‍മാരും, ശില്‍പ്പികളും പങ്കെടുക്കുകയും, ഉത്സവ്2015 ന്റെ ഭാഗമായി സൗദി അറേബ്യയുടെ കിഴക്കന്‍ പ്രവിശ്യയിലെ ദമ്മാമില്‍ 35 വര്‍ഷം പ്രവാസ ജീവിതം പൂര്‍ത്തിയാക്കിയ മുതിര്‍ന്ന പ്രവാസികളെ ദമ്മാം ടൌണ്‍ നവോദയ ആദരിക്കുന്നു. കൂടാതെ പുസ്തക പ്രദര്‍ശനം, ചിത്രശില്പ പ്രദര്‍ശനം, നാടന്‍പാട്ട്, നാടക ഗാനങ്ങള്‍ തുടങ്ങിയ കലാപരിപാടികളും അരങ്ങേറും. പുസ്ത പ്രദര്‍ശനം റിയാദിലെ സാംസ്‌കാരിക സാഹിത്യകാരനും നവമാധ്യമങ്ങളിലെ എഴുത്തുകാരനുമായ ശ്രീ. ജയചന്ദ്രന്‍ നെരുവബറവും, ചിത്ര പ്രദര്‍ശനം ലളിതകലാ അക്കാദമി അവാര്‍ഡ് ജേതാവും, ജുബൈല്‍ ചിത്ര കലാ അധ്യാപകനുമായ ശ്രീ.എം.സി.സുനില്‍കുമാറും ഉദ്ഘാടനം ചെയ്യും.
© 2024 Daily Indian Herald; All rights reserved
Top