സ്വന്തം ലേഖകന്‍
ഡബ്ലിന്‍: യൂണിവേഴ്‌സിറ്ി കോളജ് ഓഫ് ഡബ്ലിനിലെ വിദ്യാര്‍ഥിനികളുടെ അശ്‌ളീല ചിത്രങ്ങള്‍ സോഷ്യല്‍ മീഡിയയായ ഫെയ്‌സ് ബുക്കില്‍ കണ്ടെത്തിയ സംഭവത്തില്‍ അധികൃതര്‍ അന്വേഷണം ആരംഭിച്ചു. പെണ്‍കുട്ടികളും കോളജിലെ വിദ്യാര്‍ഥികളും തമ്മിലുള്ള ലൈംഗിക ബന്ധത്തി്‌ന്റെ ദൃശ്യങ്ങളാണ് വിദ്യാര്‍ഥികള്‍ അടങ്ങിയ ഫെയ്‌സ്ബുക്ക് പേജില്‍ പ്രചരി്ക്കുന്നത്.
യുസിഡിയിലെ സ്റ്റുഡന്‍സ് ന്യൂസ്‌പേപ്പറായ ദി കോളജ് ട്രൈബ്യൂണാണ് ഇത്തരത്തില്‍ പെണ്‍കുട്ടികളുടെ അശ്ലീല ചിത്രങ്ങള്‍ സോഷ്യല്‍ മീഡിയയില്‍ പോസ്റ്റ് ചെയ്ത സംഭവം സംബന്ധിച്ചു ആദ്യം റിപ്പോര്‍ട്ട് ചെയ്തത്. കോളജിലെ ഇരുനൂറിലേറെ വിദ്യാര്‍ഥികള്‍ അടങ്ങിയ പ്രൈവറ്റ് ഗ്രൂപ്പിലാണ് ആദ്യം ചിത്രം പോസ്റ്റ് ചെയ്തതെന്നാണ് ഇപ്പോള്‍ കണ്ടെത്തിയിരിക്കുന്നത്. ഇത്തരത്തില്‍ പെണ്‍കുട്ടികളുടെ അപൂര്‍വ ചിത്രങ്ങളും, ഇതു സംബന്ധിച്ചുള്ള കഥകളുമാണ് ഇപ്പോള്‍ സോഷ്യല്‍ മീഡിയയില്‍ വ്യാപകമായി പ്രചരിക്കുന്നത്.
ഇത്തരത്തില്‍ കുട്ടികളുടെ ഭാഗത്തു നിന്നു മോശം പെരുമാറ്റമുണ്ടായ സാഹചര്യത്തെപ്പറ്റി അന്വേഷണം ആരംഭിക്കുന്നതിനായി പ്രത്യേക സംഘത്തെ നിയോഗിച്ചതായി യൂണിവേഴ്‌സിറ്റി കോളജ് അധികൃതര്‍ അറിയിച്ചു. ഇത്തരത്തില്‍ കുട്ടികള്‍ തമ്മിലുണ്ടായ പ്രശ്‌നത്തെ സംബന്ധിച്ചും കുട്ടികളുടെ ബന്ധത്തെ സംബന്ധിച്ചും പ്രത്യേകം അന്വേഷണം നടത്തുമെന്നും കുറ്റക്കാരായവര്‍ക്കെതിരെ കര്‍ശന നടപടികള്‍ സ്വീകരിക്കുമെന്നും അധികൃതര്‍ അറിയിച്ചു. കോളജ് വിദ്യാര്‍ഥികള്‍ പരസ്പരം മാന്യത പുലര്‍ത്തണമെന്നും ഇവര്‍ തമ്മില്‍ പ്രശ്‌നങ്ങളുണ്ടാകുന്നത് കോളജിനു പുറത്തേയ്ക്കു വ്യാപിക്കുന്നത് തെറ്റായ പ്രവണതയാണെന്നും അധികൃതര്‍ പറഞ്ഞു.
ഫെയ്‌സ്ബുക്ക് ഗ്രൂപ്പ് ചാറ്റില്‍ ഇത്തരത്തില്‍ ചിത്രം പോസ്റ്റ് ചെയ്തത് ആരാണെന്നു കണ്ടെത്തുന്നതിനാണ് ഇപ്പോള്‍ പ്രത്യേകം അന്വേഷണം നടത്തുന്നത്.
Top