ഡാള്ളസിൽ വാഹനാപകടം: മൂന്നു യൂണിവേഴ്‌സിറ്റി വിദ്യാർഥികൾ മരിച്ചു

പി.പി ചെറിയാൻ

ഡാള്ളസ്: ഇന്ന് രാവിലെ സൗത്ത് വെസ്റ്റ് ഡാള്ളസ് പാർക്ക് വേയിലുണ്ടായ വാഹനാപകടത്തിൽ ഡാള്ളസ് ഡാള്ളസ് ബാപിറ്റിസ്റ്റ് യൂണിവേഴ്‌സിറ്റിയിലെ ഇന്റർനാഷണൽ വിദ്യാർഥിയുൾപ്പെടെ മൂന്നു പേർ മരിച്ചു.

പുലർച്ചെ മൂന്നുമണിക്കായിരുന്നു അപകടം. മൗണ്ടൻ ക്രീക്കിലേയ്ക്കു പാക് വേയിലേയ്ക്കു പോകുകയായിരുന്ന സിൽവറാഡോ പിക് അപ് വാൻ നിയന്ത്രണം വിട്ട് യൂട്ടിലിറ്റ് പോളിൽ ഇടിക്കുകയായിരുന്നു. അമിത വേഗതയായിരുന്നു അപകടത്തിനു കാരണമെന്നു പൊലീസ് പറയുന്നു. ഡ്രൈവർ ഉൾപ്പെടെ മൂന്നു വിദ്യാർഥികളും സംഭവ സ്ഥലത്തു വച്ചു തന്നെ മരിച്ചിരുന്നു.
വിൽസ്മിത്ത്, ജെസ്റ്റിൻ ഷൂബെർട്ട്, ഡി.ജെ സറിനാക് (സെർബിയ ബെൽഗ്രേഡ്) എന്നിവരാണ് കൊല്ലപ്പെട്ടതെന്നു യൂണിവേഴ്‌സിറ്റി അധികൃതർ സ്ഥിരീകരിച്ചു. വിദ്യാർഥികളുടെ മരണത്തിൽ അനുശോചിക്കുന്നതായും കുടുംബാംഗങ്ങൾക്കു വേണ്ടി പ്രത്യേകം പ്രാർത്ഥിക്കുന്നതായും യൂണിവേഴ്‌സിറ്റി പത്രക്കുറിപ്പിൽ പറയുന്നു. സ്‌കൂൾ കാപസിലുള്ള പിൽഗ്രിം ചാപ്പലിൽ ഇവരുടെ മെമ്മോറിയൽ സർവീസും നടത്തി.