വെസ്റ്റ് ചെസ്റ്റർ മലയാളി അസോസിയേഷന്റെ കുടുംബസംഗമവും ഈസ്റ്റർ വിഷു ആഘോഷങ്ങളും ഏപ്രിൽ 30 ന്

ന്യൂറൊഷൽ : വെസ്റ്റ് ചെസ്റ്റർ മലയാളി അസോസിയേഷന്റെ കുടുംബസംഗമവും ഈസ്റ്റർ വിഷു ആഘോഷങ്ങളും സംയുക്തമായി വൈറ്റ്പ്ലൈൻസിലുള്ള കോൺഗ്രഗേഷൻ കോൾ അമി ഓടിറ്റോറിയത്തിൽ (252

Soundview Avenue, White Plains, NY 10606) ഏപ്രിൽ 30 ന് , ശനിയാഴിച്ച വൈകിട്ട് 6 മണിമുതല്‍ 10 മണിവരെ നടത്തപ്പെടും.

അമേരിക്കയിലെ സാംസ്‌കാരിക, രാഷ്ട്രീയ, സാമൂഹ്യ തലത്തിൽ വലുതും, ആദ്യകാല മലയാളി സംഘടനകളിൽ ഒന്നുമായ വെസ്റ്റ് ചെസ്റ്റർ മലയാളി അസോസിയേഷന്റെ ഫാമിലി നൈറ്റ് പുതുമയാർന്ന പരിപാടികളാലും, കേരളത്തനിമയാർന്ന ഭക്ഷണത്താലും എന്നും ശ്രദ്ധയാകർഷിച്ചിട്ടുണ്ട്. കേരളീയ സംസ്‌കാരവും,കലകളും ,മലയാള ഭാഷയും പുത്തൻ തലമുറയിലേക്ക് പകർന്ന് കൊടുക്കുക എന്നതാണ് അസോസിയേഷന്‍ ലക്ഷ്യം.

കെ.ജെ ഗ്രിഗറിയുടെയും, രത്‌നമ്മ രാജന്റെയും നേതൃത്വത്തില്‍ ഒരുക്കുന്ന വിഷുക്കണിയും, വെസ്റ്റ് ചെസ്റ്റർ നിവാസികളായ കലാകാരന്മാരുടെയും, കലാകാരികളുടെയും കലാപരിപാടികളും ഉണ്ടായിരിക്കും. മുഖ്യ അതിഥി ആയി പകെടുകുന്ന പ്രമുഹ വേദ പണ്ഡിതനും മികച്ച വക്മിയുംആയ അഭിവന്ദ്യ മെത്രാപോലീത്താ His Eminence Ayub Mor Silvanos – Archbishop of America, Canada, Europe of the Malankara Syriac Knanaya Archdiocese ആണ്ഈസ്റ്റർ സന്ദേശം നൽകുന്നത്.അമേരിക്കയിലെ സാംസ്‌കാരിക, രാഷ്ട്രീയ, സാമൂഹ്യ തലത്തിൽ ഷൊഭികുന്ന പദ്മശ്രി ഡോ പി സോമസുന്ദരം വിഷു സന്ദേശംവും നല്കുന്നതാണ് .

ഈ  കുടുംബസംഗമത്തിൽ ഇരുപത്തിഅഞ്ചിൽ പരം ഗിഫ്റ്റുകൾ (ഇരുപതു ഡോളർ മുതൽ

 ഇരുന്നുറു ഡോളർ വരെ വിലയുള്ള സമ്മനങ്ങൾ)  റാഫിൾ വഴി നൽകുന്നതാണ്, നിങ്ങളുടെ സാനിദ്ധ്യം മാത്രം മതി  ഈ  റാഫിളിൽ പങ്കെടുക്കാനുള്ള യോഗ്യത.  റാഫിൾ വഴി നൽകുന്ന സമ്മനങ്ങൾ നിങ്ങളുടെ സാനിദ്ധ്യം

ഉണ്ടങ്കിൽ മാത്രമേ  നിങ്ങൾക്ക് ലഭിക്കുകയുള്ളൂ.

നാഗരിക ജീവിതത്തിന്റെ സങ്കീർണ്ണതകളിലും  ലാളിത്വവും പവിത്രതയും നിറഞ്ഞ ഗ്രാമീണ ജീവിതം വിസ്മൃതമാകാതിരിക്കാൻ, പ്രവാസികളുടെ ജീവിത പാശ്ചാത്തലം ആധാരം ആക്കിയുള്ള കലരൂപങ്ങളുംഅവതരിപ്പിക്കുന്നതാണ്. ഏതു സാഹചര്യത്തിൽ ജീവിച്ചാലും സ്വന്തം സംസ്കാരത്തിന്റെ മഹത്വം ഉയർത്തിപ്പിടിക്കാൻ ശ്രമിക്കുന്നവരാണ് പ്രവാസികളായ മലയാളികൾ.

ഇന്ന് അമേരിക്കയിലെ മലയാളി സമൂഹം നേരിട്ടുകൊണ്ടിരിക്കുന്ന സാമൂഹിക­സാംസ്ക്കാരിക മൂല്യച്യുതിയെ നിർമ്മാർജ്ജനം ചെയ്ത് കെട്ടുറപ്പുള്ള ഒരു സമൂഹത്തെ വാർത്തെടുക്കുന്നതിനും , കാര്യപ്രാപ്തിയും ലക്ഷ്യബോധവുമുള്ള യുവാക്കളെ മുഖ്യധാരയിൽ  കൊണ്ടുവരണംഎന്നതിനണ്അസോസിയേഷൻ ശ്രമിക്കുന്നത് .  . ഫോമയും, ഫൊക്കാനയും, വേള്‍ഡ് മലയാളി കൗണ്‍സിലും, ഇതര ദേശീയ സംഘടനകളും ഒരുമിച്ച്

 പ്രവർത്തിക്കുന്ന വെസ്റ്റ് ചെസ്റ്റർ മലയാളി അസോസിയേഷനെ പോലെ വളരെ വിരളമായ  അസോസിയേഷനുകളെ അമേരികയിൽഉള്ളു.

ഈ ഫാമിലി നൈറ്റ് വിജയപ്രദമാക്കുവാൻ വെസ്റ്റ്‌ചെസ്റ്റർ, ന്യൂ യോർക്ക്‌ നിവാസികളായ എല്ലാ മലയാളി സഹോദരങ്ങളുടെയും സഹായ സഹകരണങ്ങൾ അഭ്യർത്ഥിക്കുന്നതായി പ്രസിഡന്റ് ശ്രീകുമാർ ഉണ്ണിത്താൻ , വൈസ് പ്രസിഡന്റ് തോമസ് കോശി, സെക്രട്ടറി ടെറൻസൺ തോമസ്, ട്രഷറർ കെ.കെ. ജോൺസൺ , ജോയിന്റ് സെക്രട്ടറി ആന്റോ വർക്കി, ട്രസ്റ്റി ബോർഡ് ചെയർമാൻ എം വി ചാക്കോ , ഫാമിലി നൈറ്റ് കോഓർഡിനേറ്റർ ജോയി ഇട്ടൻ,ഗണേശ് നായർ, കൊച്ചുമ്മൻ ജേക്കബ് ,ജെ. മാത്യുസ്,എം.വി കുര്യൻ , കെ.ജെ. ഗ്രിഗറി,കെ.ജി. ജനാർദ്ദനൻ ,ലിജോ ജോൺ, ഷൈനി ഷാജൻ , രത്‌നമ്മ രാജൻ , ജോൺ മാത്യു (ബോബി) ,സുരേന്ദ്രന്‍ നായർ , ,ജോൺ തോമസ്,രാജ് തോമസ്,വിപിൻ ദിവാകരൻ ഡോ. ഫിലിപ്പ് ജോർജ് ,ജോൺ സി വർഗീസ്, രാജൻ ടി ജേക്കബ്,ചാക്കോ പി ജോർജ് (അനി) , എന്നിവർ അറിയിച്ചു. എന്നിവർ അറിയിച്ചു.